Vetrarbraut 23

Hólmar Björn Sigþórsson löggiltur fasteignasali og Helgafell fasteignasala kynna í einkasölum fallegt og vel skipulagt 4 herbergja endaraðhús. Samkvæmt fasteignaskrá er birt stærð eignar er 90,6 fm.  Húsið er hluti af Vetrarbraut 23 - 27 sem eru þrjú raðhús sem staðsett eru á frábærum stað miðsvæðis í hjarta Þorlákshafnar. Eignin afhendist fullbúin á byggingarstigi 7 - fullgerð bygging.

Skipulag eignarinnar: Anddyri, þrjú svefnherbergi, stofa / borðstofa og eldhús í opnu alrými, baðherbergi og þvottahús / geymsla.

SMELLIÐ HÉR TIL AÐ FÁ SENT SÖLUYFIRLIT STRAX

Byggingarstig 7 -  fullgerð bygging:

Frágangur utanhúss:

• Húsið er byggt úr timbri og klætt að utan með hvítu bárujárni og með dökkbrúnum bambusvið í innfellingum.
• Svartar vindskeiðar verða komnar og fúavarðar.
• Þakrennur og niðurföll verða frágengin.
• Svartir gluggar og hurðir verða fullfrágengin og glerjað.
• Lóðin verði þökulögð, nema innkeyrsla sem verði grófjöfnuð með mulningi (grjótmulningur sem inniheldur nánast engan sand).
• Sorptunnuskýli verða komin. 

Frágangur innanhúss:

• Kraftsperrur eru í húsinu og öll loft niðurtekin.
• Ísteyptar hitalagnir verða í öllum gólfum og verður tengigrind fyrir hita frágengin.
• Rafmagn verður frágengið í töflu og tenglar og rofar komnir.
• Allir milliveggir verða komnir og verða klæddir með nótuðum spónaplötum og loftin klædd með loftaþiljum. Sparslað yfir hefti og ójöfnur og málað í litum að vali kaupenda.
• Flísar á gólfi í baðherbergi, forstofu og þvottahúsi / geymslu. Parket á eldhúsi, stofu og svefnherbergjum.  
• Í eldhúsi, baði og þvottahúsi verða vandaðar IKEA innréttingar eða sambærilegt, helluborð, ísskápur, ofn og uppþvottavél verða í eldhúsi.
• Innihurðir frá Húsasmiðjunni/Byko/Birgisson.
• Veggir í baðherbergi er klætt með FIBO baðplötum frá Þ. Þorgrímssyni, hreinlætistæki uppsett.
• Innbyggðir skápar verða í svefnherbergjum (IKEA eða sambærilegt).

Afhendingartími: 15. maí 2023.

Kaupendur geta í samráði við eiganda óskað eftir breytingu á skilalýsingu s.s. við val á gólfefnum, innréttingum og annað. Einnig er hægt að semja um að fá eignina á öðrum byggingarstigum en tiltekið er.
 
Almennt:
Seljandi greiðir tengigjöld rafmagns og hita sem og lóðargjald. 
Kaupandi greiðir 0,3 % skipulagsgjald þegar það er lagt á við endanlegt brunabótamat.
 
Byggingaraðili: Hrímgrund ehf. 

Nánari upplýsingar og bókun á skoðun gefur Hólmar Björn Sigþórsson, löggiltur fasteignasali og félagsmaður í Félagi fasteignasala í s. 893 3276 eða í netfangið holmar@helgafellfasteignasala.is. 

Ertu í fasteignahugleiðingum - Þarftu að selja eignina þína?  Ég veiti afburða þjónustu og eftirfylgni, sanngjörn söluþóknun, sláið á þráðinn í síma 893 3276.

Þorlákshöfn:
Þorlákshöfn er frábær staður til að búa sér notalegt heimili og ala upp börn. Vinalegur og barnvænn bær í nálægð við aðra þéttbýliskjarna. Í dag er öll þjónusta við barnafólk og fjölskyldur í Þorlákshöfn til fyrirmyndar. Stuttar vegalengdir einfalda allar samgöngur og börnin geta gengið örugg í skóla og tómstundastarf. Skólarnir eru eitt af trompum bæjarins þar sem stutt er vel við bakið á þeim sem þess þurfa. Rúmgóður og vel búinn grunnskóli með persónulegum samskiptum á milli heimilis og skóla. Leikskólinn Bergheimar er fimm deilda leikskóli fyrir eins og hálfs árs til sex ára börn. Öll íþróttaaðstaða í Þorlákshöfn er mjög góð og ákaflega vel nýtt af bæjarbúum. Margir nýir íbúar hafa nefnt að í stað þess að festa kaup á íbúð á höfuðborgarsvæðinu hafi verið hægt að fá íbúðarhús í Þorlákshöfn og búa fjölskyldunni stærra og rúmbetra heimili í barnvænu umhverfi.