Hvassaleiti 36

ELKA lgf. og Fasteignasalan TORG kynna virkilega skemmtilega 3ja herbergja íbúð með sérinngangi á jarðhæð í þríbýli við Hvassaleiti í Reykjavík.  Íbúðin er 87,6 m², hefur verið töluvert endurnýjuð að innan á smekklegan máta.
Íbúðin er með tveimur rúmgóðum svefnherbergjum og þvottahúsi á sömu hæð, innangengt úr íbúð. 
Íbúðin verður afhent með nýju parketi á gólfum.
Falleg og vel skipulögð íbúð, steinsnar frá Kringlunni og allri þjónustu.

Nánari lýsing:
Gengið er inn í íbúðina vinstra megin við húsið um sérinngang.  Þrjár íbúðir eru í húsinu.
Þaðan er komið inn í forstofu með góðum fataskáp og flísum á gólfi.
Eldhúsið hefur verið endurnýjað með fallegri og vandaðri hvítri innréttingu.
Stofan og borðstofan eru í sameiginlegu rými sem er bjart og rúmgott.
Inn af stofunni er hjónaherbergið með stórum fataskáp.  Timburklæðning á vegg í stofu og eldhúsi setur skemmtilegan svip á íbúðina.
Barnaherbergið er með geymslu inn af sem gæti einnig nýst sem fataherbergi.
Baðherbergið er endurnýjað með flísum á gólfi og veggjum.  Falleg innrétting og lýsing.  Rúmgóð sturta með glerskilrúmi.
Úr íbúðinni er innangengt í sameign hússins þar sem verið er að endurnýja þvottahús.  Þar er einnig sérgeymsla sem tilheyrir íbúðinni.

Falleg íbúð sem hefur marga kosti, svo sem sérinngang, endurnýjað baðherbergi og eldhús, verið er að ljúka framkvæmdum við endurnýjun heimtaugar og þvottahúss ásamt því að drena húsið, verkið er á lokametrum og að fullu greitt af seljanda.
Parket í íbúðinni er skemmt og verður nýtt parket lagt á alla íbúðina sem kaupandi getur komið að vali á.

Allar nánari upplýsingar veitir Elka Guðmundsdóttir, löggiltur fasteignasali í síma 863-8813 eða í tölvupósti: elka@fstorg.is 

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.500 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.
Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags.
Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.