Kálfhólar 23

ÁRBORGIR SELFOSSI S 482 4800 kynna í einkasölu:
Gott einbýlishús á eftirsóttum stað, rétt við Sunnulækjarskóla á Selfossi. Húsið er timburhús klætt að utan með VIROC steinplötum, stallað járn er á þaki. Heildarstærð eignarinnar er 234,4m2 og er sambyggður bílskúr 41,8m2 þar af.
Að innan skiptist húsið í forstofu, þvottahús, sjónvarpshol, skrifstofu (hægt að nýta sem  herbergi), baðherbergi, gestasnyrtingu, 4 svefnherbergi, stofu og eldhús.
Flísar eru á gólfi í forstofu og þar er fataskápur. Eldhúsið er parketlagt, þar er stór innrétting og góður borðkrókur. Stofan er parketlögð og þar er útgengt á góðann sólpall. Skrifstofa er innaf stofu og er parket á gólfi. Upptekið loft er í stofu, eldhúsi og skrifstofu.
Baðherbergið er flísalagt, þar er fín innrétting, sturta og baðkar. Þvottahúsið er með skrautfloti á gólfi, þar er góð innrétting og stórir skápar. Útgengt er á baklóð í þvottahúsi. Gestasnyrting er flísalögð.
Herbergin eru parketlögð, fataherbergi er innaf hjónaherbergi, fataskápar eru í þrem herbergjanna.
Stór verönd með skjólveggjum og heitum potti er við suðurhlið hússins. Garður er gróinn og skjólgóður.
Innkeyrsla er hellulögð, hellulagt stæði er meðfram húsinu. Staðsetning er mjög góð en húsið stendur innst í rólegri götu, rétt við Sunnulækjarskóla.
Í heildina er um að ræða snyrtilegt og vel staðsett einbýli.
Nánari upplýsingar og bókið skoðun á skrifstofu Árborga.