Laugarnesvegur 112

Pétur Ásgeirsson löggiltur fasteignasali hjá RE/MAX fasteignasölu kynnir: Mjög fallega og mikið endurnýjaða 3. herbergja endaíbúð á 1. hæð (gengið upp hálfa hæð) með suðursvalir við Laugarnesveg 112 í Reykjavík. Uppgefin stærð er 91,1 fm. Íbúðin er skráð 86,6 fm samkvæmt HMS, en þar af er 4,5 fm geymsla í kjallara. Húsið hefur fengið gott viðhald. 
Eignin skiptist í forstofu, gang/hol, stofu, borðstofu, eldhús, baðherbergi, 2 svefnherbergi, geymslu og þvottahús. Útsýni er úr stofu yfir Laugarnesið og Engey að Snæfellsjökli. 

// Íbúðin mikið endurnýjuð.
// Íbúðin er einstaklega björt með glugga í 3 áttir.
// Nóg af stæðum fyrir framan og aftan hús.
// Stórar suðursvalir.
// Mjög góð staðsetning og stutt í alla þjónustu.
// Rafhleðslustöðvar á bak við hús.

Hér getur þú gengið í gegnum eignina í 3D: Ýtið hér

Íbúðin er sú eina á þessari hæð í stigagangi hússins. Alrýmið er bjart og opið, rúmgott þvottahús er í sameign og næg bílastæði fyrir framan húsið þar sem rafhleðslustöðvar eru m.a. til staðar. Frábær staðsetning, afar stutt í næsta leikskóla og skóla. Matvöruverslanir, sérverslanir við Laugalæk og Hrísateig, líkamsrækt og Laugardalslaug í göngufæri. 

Nánari lýsing:
Harðparket á öllum gólfum nema baðherbergi þar sem eru flísar. 
Nýlegar rúllugardínur frá Álnabæ í öllum herbergjum nema baðherbergi þar sem er filma á glugga. 
Forstofa og gangur: Tveir PAX fataskápar á gangi. 
Eldhús: Falleg innrétting með miklu skápa- og borðplássi. Sérsmíðaðar vegghillur í stað efri skápa. Bakaraofn frá Siemens í vinnuhæð. Borðkrókur með innbyggðum setubekk. 
Stofa/borðstofa: Mjög rúmgóð og björt, útgengi út á stórar svalir sem snúa til suðurs.
Baðherbergi: Flísar á gólfi og hluta af veggjum, falleg innrétting með speglaskáp, upphengt salerni, handklæðaofn, hiti í gólfi og baðkar með sturtu.
Hjónaherbergi: Rúmgott, innbyggður skápur með miklu plássi. Nýr ofn og listi fyrir myrkragardínur til viðbótar við rúllugardínur. 
Barnaherbergi: Gott barnaherbergi, nýr ofn og listi fyrir myrkragardínur.
Geymsla: Er 4,5 fm og er í kjallara ásamt sameiginlegri vagna- og hjólageymslu.   
Þvottahús: Er í sameign og er stórt og mjög snyrtilegt. Íbúð er með sér pláss fyrir þvottavél og þurrkara, einnig er sameiginleg þvottavél sem má nota.

Framkvæmdasaga íbúðar í eignartíð núverandi eigenda:
2026: Skipt um blöndunartæki í sturtu og baðvaski. Skipt um klósettsetu.
2025: Skipt um ofna í svefnherbergjum.
2024: Ný hurð í minna svefnherbergi.
2022: Svefnherbergisskápa hurðir sprautaðar hjá Húsgagnasprautun Jóhannesar og nýjar höldur settar á.
2022: Nýr spegilsskápur settur upp á baðherbergi og skipt um höldur á baðherbergisinnréttingu. 
2022: Nýjar gardínur í alla glugga frá Álnabæ. Screen í stofu, eldhús og minna svefnherbergi. Myrkvunargardínur í hjónaherbergi. Listar fyrir myrkvunartjöld í báðum svefnherbergjum frá Álnabæ. 

Framkvæmdasaga íbúðar í eignartíð fyrri eigenda:
2020: Veggur á baðherbergi var fjarlægður í heild sinni eftir leka frá íbúð á efri hæð (þvottavélatengi gaf sig þar), lagnir myndaðar og metnar, sagðar ok. Þær voru svo klæddar aftur að utanverðu, allt þurrkað vel, nýr veggur settur í stað þess gamla. Vörður tryggingafélag, GG lagnir og Aqurat sáu um framkvæmd.
2018: Nýtt harðparket á íbúð, nýjar hurðar og gereft frá Birgisson 
2018: Baðherbergi endurnýjað og gólfhitalagnir lagðar inn á baðherbergi. Tæki eru frá Tengi, Flísar frá Vídd.
2018: Ný eldhúsinnrétting og bakaraofn frá Siemens, innrétting frá KVIKK, eldhústæki frá Rafha. 
2018: Skápur á gangi endurnýjaður, PAX frá Ikea. 
2018: Ný rafmagnstafla í íbúð og tenglar endurnýjaðir.

Framkvæmdasaga húsfélags í eignartíð núverandi eigenda:
Húsfélag kaupir þrif á sameign og grasslátt í sameiginlegum garði. Húsfélagið er virkt og hefur árlega haldið vorhreingerningardag. 

2026: Í sameiginlegu þvottaherbergi er búið að endurnýja niðurföll og affallslagnir og endurnýja og yfirfara neysluvatnslagnir. Þá voru nýjar neysluvatnslagnir lagðar og rafmagn lagt og tengt í töflu fyrir fleiri vélar.
2025: Fráveitutenging við safnkerfi Veitna mynduð og fóðruð.
2025: Veitur endurnýjuðu heimæð í köldu vatni og settu upp nýtt inntak í hjólageymslu.
2025: hitaveitulagnir í inntaksrými yfirfarnar af pípara en ekki talin þörf á endurnýjun strax. Kaldavatnslagnir yfirfarnar en ekki talin þörf á endurnýjun strax. Hægt var að meta þar sem gamlar lagnir voru fjarlægðar þegar Veitur færðu inntak.
2025: Útihurð í 112 inngang pússuð og lökkuð.
2025: Sandkassi lagfærður og skipt um sand.

Framkvæmdasaga húsfélags í eignartíð fyrri eigenda:
2020: Slökkvitæki í sameign endurnýjuð og nýir samtengdir reykskynjarar í stigahúsum endurnýjaðir.
2020: Hjólageymsla tekin í gegn og settar festingar fyrir reiðhjól
2020: Grænmetiskassar settir upp í sameiginlegum garði og er þessi íbúð ein af þátttakendum í því verkefni. Bekkir og borð keypt í garðinn.
2018: Sprunguviðgerðir, vatnskantar lagaðir og útveggir málaðir. Svalaloft hreinsuð og máluð. Gluggar metnir og skipt um þá sem þurfti, gler endurnýjuð þar sem þörf á og aðrir viðgerðir og að lokum málaðir með þekjandi viðarvörn. Velflestir gluggar á austurhlið endurnýjaðir (bakhliðin). Þakið var yfirfarið og málað, rennur endurnýjaðar. Tröppur múrviðgerðar og filteraðar.

Nánari upplýsingar gefur Pétur Ásgeirsson löggiltur fasteignasali í síma 893-6513 / petur@remax.is

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.