Birkigrund 28

Fasteignasalan TORG kynnir: Rúmgott og fjölskylduvænt endaraðhús við Birkigrund 28 í Kópavogi. Eignin er skráð 179,4 fm á þremur hæðum en til viðbótar er ca 28 fm rishæð sem er ekki inn í skráðum fermetrum. Í dag eru þrjú svefnherbergi en auðveldlega er hægt að gera fimm svefnherbergi. Allar nánari upplýsingar veitir Darri Örn Hilmarsson, löggiltur fasteignasali í síma 767-0000 eða í tölvupósti: darri@fstorg.is 

Nánari lýsing:
Fyrsta hæð: Gengið er inn í anddyri en strax á hægri hönd er þvottahús sem í dag er notað sem búr/geymsla. Á hægri hönd þegar gengið er inn í alrýmið er lítið gestasalerni og fatahengi en á vinstri hönd er eldhúsið sem lokað er af með léttum vegg. Stofan og borðstofan er mjög rúmgóð, opin og björt. Frá stofu er gengið út í skjólgóðan og gróinn garð til suðurs. 

Kjallari: Gengið er niður stiga úr alrými á fyrstu hæð niður í kjallara en þar er stórt herbergi sem í dag er notað sem sjónvarpsherbergi og vinnuaðstaða. Lítið mál er að stúka af svefnherbergi í kjallaranum. Í kjallaranum er einnig sér inngangur og þvottahús með sturtu og saunuklefa. 

Önnur hæð: Gengið er upp stiga frá alrými á fyrstu hæð upp á aðra hæð. Þar er stórt hjónaherbergi góðu skápaplássi og fataherbergi inn af sem áður var barnaherbergi að hluta. Einnig eru tvö rúmgóð barnaherbergi á annari hæð sem bæði eru með innbyggðum fataskápum. Baðherbergið var endurnýjað og stækkað fyrir u.þ.b. 10 árum en það er með baðkari/sturtu, upphengdu salerni, fallegri viðarinnréttingu og handklæðaofni. 

Rishæð: Gengið er frá svefnherbergisgangi á annari hæð upp á þriðju hæð. Sú hæð er með ca 28 fm gólffleti en er ekki inn í skráðum fermetrum þar sem hæðin er undir súð. Þessi hæð nýtist engu að síður mjög vel sem sjónvarpsherbergi og skrifstofa eða sem hjónaherbergi.  

Lóð og garður: Fyrir framan hús er upphitað bílaplan sem tilheyrir eigninni. Frá bílaplani er gengið að fallegu grindverki en þar fyrir aftan er mjög fallegur og skjólgóður garður til suðurs. 

Allar nánari upplýsingar veitir Darri Örn Hilmarsson, löggiltur fasteignasali í síma 767-0000 eða í tölvupósti: darri@fstorg.is