Frostaþing SELT 2a

Eignin er seld með fyrirvara.
Fold fasteignasala kynnir í Vatnsendahverfi:
Fallegt og vel skipulagt 226 fm parhús á einni hæð við Frostaþing í Kópavogi.
Húsið er teiknað af arkitektastofu Benjamíns Magnússonar. 

Eignin skiptist í: anddyri, gang, eldhús, borðstofu, stofu, fjögur svefnherbergi, tvö baðherbergi, þvottahús og bílskúr. 

Nánari lýsing: Komið inn í flísalagt anddyri. Herbergi inn af forstofu. Á gangi er gestasnyrting flísalögð.
Eldhúsið er rúmgott með flísum, fallegri innréttingu og góðri vinnuaðstöðu. Stofa og borðstofa eru sömuleiðis rúmgóðar og þaðan er gengið út á skjólgóðan pall með góðri útiaðstöðu, og garð með grasflöt. Fjögur svefnherbergi eru í húsinu; hjónaherbergi með fataherbergi og þrjú rúmgóð barnaherbergi. Baðherbergi er flísalagt með baðkari, sturtu og þakglugga. Þvottahús er með innréttingu og frá því er gengið inn í bílskúr. Geymsla er innaf bílskúr og í honum er milliloft. Gólf eru flotuð en flísar á votrýmum, fyrir utan þvottahús. Gólfhiti er í öllu húsinu, nema í bílskúr. Innfelld lýsing er í stofu og á gangi. Mikil lofthæð gefur húsinu skemmtilegan svip. Hiti í plani. Þakkantur er ófrágenginn. 

Mjög gott fjölskyldhús á góðum stað í Kópavogi. Stutt er í skóla og leikskóla og í gönguleiðir og útivistarsvæði. Í næsta nágrenni er Kórinn, íþróttamiðstöð HK, verslun Krónunnar í Vallakór þar sem einnig er heilsugæslustöð. Hesthúsahverfið á Heimsenda og Guðmundarlundur eru sömuleiðis í göngufæri.

Fold fasteignasala 552-1400, Sóltúni 20, 105 Reykjavík, fold@fold.is
Rakel 699-0044 / Viðar 694-1401 /Gústaf Adolf 895-7205/  Hörður 8995209
www.fold.is Við erum á Facebook.