Bjarkarbraut 9

Bjarkarbraut 9 á Dalvík

Einbýli á þremur pöllum á Dalvík - samtals 230,5 m² að stærð.  Húsið var áður tvær íbúðir og er því á tveimur fastanúmerum og auðvelt er að skipta því upp aftur.
Húsið var byggt árið 1946 og þá á tveimur hæðum með íbúð með sérinngangi á hvorri hæð.  Árið 1967 var byggt við húsið að norðanverðu, á milli hæðanna með tengingu við íbúð á neðri hæð.  
Húsið hefur um árabil verið nýtt sem einbýli og í dag skiptist það í sex svefnherbergi, tvö eldhús, tvö baðherbergi, tvö þvottahús, fjóra innganga, hol, stofu og geymslur auk geymsluskúrs á lóð.

Neðri hæð - neðsti pallur.
Forstofa er með flísum á gólfi og innaf henni er köld geymsla.
Svefnherbergin eru þrjú en eitt þeirra var áður stofa, parket er á einu herbergjanna og harðparket á tveimur.   
Hol er með spónaparketi og þar eru skápar.
Baðherbergi er flísalagt, bæði gólf og veggir, ljós innrétting og sturtuklefi.
Þvottahús og geymsla.

Viðbygging - millipallur
Forstofa með vinylparketi á gólfi.
Snyrting.
Stofa er rúmgóð og björt. Hlaðinn arin er í suðurenda stofunnar.
Eldhús er með nýlegri ljósri innréttingu. Opið er á milli eldhúss og stofu.
Gólfhiti er kominn í öll gólf á millipalli og vínyl parket á gólfum. 

Efri hæð - efsti pallur
Forstofa er með slípuðu steingólfi og fatahengi.
Svefnherbergin eru þrjú en eitt þeirra var áður stofa og þar er parket á gólfum.
Hol er með parketi á gólfi og skápum.
Eldhús er með dúk á gólfi og upprunalegri viðarinnréttingu. Innaf eldhúsi er búr með hillum.
Baðherbergi er án gólfefna og þar er baðkar og opnanlegur gluggi.

Skúr er á lóðinni, skráður 15,5 m² að stærð og með byggingarár 1970.  Heldur hrölegur skúr en ágætur sem garðskúr og áhaldageymsla.
Stórt hellulagt bílaplan er við húsið og í því eru hitalagnir - tvö lokuð kerfi.

Annað
- Nýlegir gluggar eru í millipalli (2019)
- Gólfhiti og ný gólfefni voru sett í millipall 2019
- Eldhúsinnrétting er nýleg.
- Skólplagnir hafa verið endurnýjaðar