Miðfell 8

Mikið endurnýjað einbýlishús á einni hæð ásamt frístandandi bílskúr. Húsið stendur innst í botnlangagötu í Fellabæ og þaðan er örstutt í bæði leik- og grunnskóla. Gott útsýni og fjögur rúmgóð svefnherbergi, möguleiki á að bæta við fimmta svefnherberginu. Húsið var meira og minna allt endurnýjað að innan árið 2019, m.a. öll gólfefni, allar innréttingar, hurðir og allar neysluvatnslagnir sem og inntak.
Forstofa er flísalögð með hita í gólfi. Samskonar flísar eru á litlu gestasalerni inn af forstofu, þar er einnig hiti í gólfi. Inn af forstofu er svefnherbergi með parket á gólfi og tvöföldum fataskáp. Stofa er nokkuð rúmgóð og þaðan er fallegt útsýni. Parket er í stofu. Í eldhúsi eru flísar og hiti í gólfi. þar er glæsileg innrétting með vönduðum tækjum. Inn af herbergjagangi eru þrjú svefnherbergi til viðbótar, öll með parket á gólfi og fataskápum. Eitt herbergið er sérlega rúmgott og var það áður tvö svefnherbergi. Mögulegt er að breyta því til baka og þá væru komin fimm svefnherbergi í húsið.  Baðherbergi er flísalagt í hólf og gólf, þar er rúmgóð sturta, flott innrétting og handklæðaofn. Flísar eru einnig í þvottahúsi, þar er innrétting og útgengt. Geymsla er inn af þvottahúsi. 
Bílskúr er snyrtilegur og nokkuð hefðbundinn. Þar er málað gólf og bílhurð með sjálfvirkum opnara.