Stekkjarholt 2

Virkilega fallegt og vel skipulagt einbýlishús með fimm rúmgóðum svefnherbergjum og 41,2 m² bílskúr. Húsið er allt á einni hæð og stendur frábærum útsýnisstað. Öll rými hússins eru sérlega rúmgóð og gólfhiti er í öllu húsinu.
Forstofa er flísalögð sem og baðherbergi inn af forstofu sem flísalagt er í hólf og gólf. Þar er sturta. Góður fataskápur er í forstofu. Flísar eru einnig á gólfi í stofu og eldhúsi. Í stofu er kamína og úr stofu er útgengt á timburverönd í garði. Einnig er útgengt á timburverönd úr eldhúsi. Sérstök sjónvarpsstofa er í húsinu og þar eru flísar á gólfi. Útgengt er úr sjónvarpsstofu á timburverönd í garði. Fimm svefnherbergi eru í húsinu, öll mjög rúmgóð. Parket er á gólfi í fjórum svefnherbergjum en flísar á einu. Fataskápar eru í fjórum herbergjum en auk þess er sérstakt fataherbergi í húsinu. Aðal baðherbergi hússins er flísalagt, þar er bæði baðkar og sturta. Ný innrétting fyrir baðherbergi er til en eftir er að setja hana upp. Þvottahús er flísalagt og þaðan er útgengt. Lúga upp á háaloft er í þvottahúsi en mikið geymslupláss er á háalofti. 
Bílskúr er fremur hrár og eftir að fullklára hann en seljendur eru tilbúin til að afhenda bílskúr fullbúin eftir samkomulagi við kaupendur.