Borgartún 6 - 402

Berglind Hólm lgfs og RE/MAX kynna: Glæsileg ný penthouseíbúð í Borgartúni 6, gömlu Rúgbrauðsgerðinni. Nýlega var fjórðu hæð þessa sögufræga húss breytt í fjórar glæsilegar penthouseíbúðir þar sem tvær þeirra skarta skemmtilegum turnherbergjum (koníaksstofum) sem ná fallegu útsýni yfir öll helstu kennileiti Reykjavíkurborgar og yfir á Esjuna. íbúðin er með þremur svefnherbergjum, stórri stofu og koníaksstofu í turnherbergi. Í íbúðinni eru tvö baðherbergi bæði með sturtu. Geymsla og sérþvottaherbergi er innan íbúðar. Gólfefni á öllu nema votrýmum eru vönduð hvíttuð gróf eik sérvalin með tilliti til aukinnar hljóðvistar. Á votrýmum eru vandaðar gráar steinflísar. Innrétting í eldhúsi er sérsmíðuð frá InnGó innréttingasmiðju. Á borðum í eldhúsi er falleg steinn frá Consentino á Spáni - Silestone. Sérkenni íbúðarinnar eru fallegir kýraugagluggar og skemmtilegt turnherbergi með glæsilegu útsýni. 
Borgartún 6 er sérlega skemmtilega staðsett steinsnar frá miðbæ Reykjavíkur og í göngufæri við alla helstu þjónustu og fjöldan allan af veitingastöðum og verslunum. Mikil uppbygging og þjónustuaukning hefur einkennt Borgartúnið síðustu ár. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is

Nánari lýsing íbúðar: 
Komið er inn í stórt og glæsilegt anddyri á 1.hæð hússins. Gengið er inn um stóra tvöfalda hurð sem setur sterkan svip á ytra útlit hússins. Frá anddyrinu er lyfta sem gengur upp á 4.hæð hússins að íbúðunum. Þegar komið er upp á  4.hæðina er komið inn í stórt og bjart anddyri sem leiðir að íbúðunum þremur. Á hæðinni eru allar lagnir, gólfefni, innréttingar og léttir innveggir nýlega endurnýjaðir. 
Nánari lýsing íbúð 402: 
Forstofa: Komið er inn í góða forstofu með fallegu parketi á gólfi. Á milli forstofu og íbúðar skilur falleg rennihurð með sandblásnu gleri og hnoturamma. 
Alrými: Eldhús, setustofa, borðstofa:
Eldhús: Innrétting í eldhúsi er sérsmíðuð frá InnGó innréttingasmiðju. Innréttingin er í vinkil + eyja með efri og neðri skápum og innfeldum tækjum. Neðri skápar og tækjaveggur eru úr fallegri hnotu. Á borðum er fallegur ljós steinn í marmaraútliti innfluttur frá Spáni. 
Stofa + borðstofa: Setustofa og borðstofa eru saman í opnu rými með eldhúsinu. Fallegt parket er á gólfi. Góðir suðurgluggar eru eftir endilöngurýminu sem hleypa fallegri birtu inn í alrýmið. 
Aðalbaðherbergi: Á baðherberginu er sturta beint á gólf með glerskilrúmum með svörtum álramma og svörtum möttum blöndunar tækjum. Eikar innrétting er undir vaski og svartur handklæðaofn er á vegg. Fallegar gráar flísar eru á gólfi og marmaraflísar á veggjum.
Geymsla: inn af forstofunni er sérgeymsla íbúðarinnar með parketi á gólfi. 
Herbergi nr.1: gott herbergi með suðurgluggum og fallegu parketi á gólfi. 
Þvottaherbergi: Sérþvottaherbergi er innan íbúðar með flísum á gólfi og vinnuvaski. 
Hjónaherbergi + Baðherbergi + fataherbergi: Hjónaherbergið er rúmgott og sérlega fallegt. Í herberginu eru einstakir hringgluggar (kýraugagluggar) sem eru gamall sjarmi frá sögu hússins. Fallegt parket er á gólfi. Inn af Hjónaherberginu er sérbaðherbergi með fallegum gráum steinflísum á gólfi, ljósum marmaraflísum á veggjum og fallegum kýraugagluggum. Á baðherberginu er sturta beint á gólf með glerskilrúmum með svörtum álramma og svörtum möttum blöndunar tækjum. Eikar innrétting er undir vaski og svartur handklæðaofn er á vegg. Einnig er rúmgott fataherbergi innaf hjónaherberginu. 
Fyrir framan hjónaherbergið er breiður og góður stigi með fallegu teppi á þrepum sem leiðir upp í skemmtilegt turnherbergi / koníaksstofu.
Turnherbergi: Turnherbergið er einstaklega skemmtileg viðbót við eignina. Fallegir þríhyrndir gluggar eru til allra átta með glæsilegu útsýni yfir öll helstu kennileiti Reykjavíkur og yfir að Esjunni og upp á Akranes. 

Um er að ræða glæsilegar nýjar penthouse íbúðir í einu af sögufrægustu húsum Höfuðborgarinnar. Rúgbrauðsgerðin er almennt heiti á húsinu Borgartúni 6. Húsið var reist árið 1947 undir starfsemi rúgbrauðsgerðar. 4. apríl 1970 skemmdist húsið mikið í eldi og eftir það voru þar innréttaðir ráðstefnusalir ríkisins. Á tímabili voru þar reglulega haldnir sáttafundir í kjaradeilum sem ríkissáttasemjari kom að.

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is