Tjarnarstígur 1

Byr fasteignasala kynnir í einkasölu TJARNARSTÍG 1, Stokkseyri. Einbýlishús með þremur til fjórum svefnherbergjum, innbyggðum bílskúr og snyrtilegum garði. 
Húsið er timburhús á einni hæð byggt árið 2005. Eignin skiptist í íbúð 122,5 m² og bílskúr 44,9 m², samtals 167,4 m² samkvæmt skráningu Þjóðskrár Íslands. 
Skipulag eignar: Forstofa, alrými með stofu, borðstofu og eldhúsi, þrjú svefnherbergi, gangur/hol, baðherbergi, auka svefnherbergi (þvottahús og geymsla), forstofa(geymsla) og bílskúr. 

Áætlað fasteignamat ársins 2023 verður kr. 57.000.000,-

Nánari lýsing:
Forstofa er rúmgóð með tvöföldum fataskáp, skúffueiningu og veggföstu sæti. 
Komið er úr forstofu inn á gang sem liggur að alrými til vinstri með stofu/borðstofu og eldhúsi.
Í eldhúsi er U-laga innrétting frá Fríform, gott skápapláss. Ofn og keramikhelluborð frá Whirlpool, ofninn er í vinnuhæð, ný Electroluc uppþvottavél fylgir ásamt ísskáp.  
Björt og rúmgóð stofa/borðstofa, útgengt er á sólpall frá borðstofu. 
Til hægri við forstofu er herbergjagangur. Baðherbergi er flísalagt í hólf og gólf, baðkar, sturta, vegghengt salerni, rúmgóð innrétting með einni handlaug. 
Hjónaherbergi er rúmgott með fataskáp frá Hirzlunni sem nær yfir heilan vegg (áttfaldur). Gluggi á hjónaherbergi vísar að bílastæði.
Barnaherbergin eru tvö, bæði með tvöföldum fataskáp frá Hirzlunni. 
Auka svefnherbergi er inn af bílskúr (merkt þvottahús og geymsla á teikningu). Þaðan er útgengt út í garð. 
Lítil flísalögð forstofa er þar sem innangengt er á milli íbúðar og bílskúrs (merkt geymsla á teikningu). 

Bílskúr er með rúmgóðri innréttingu þar sem hækkun er fyrir þvottavél og þurrkara. Í bílskúr er lúga upp á rúmgott háaloft sem er yfir bílskúr hússins. 
Gólfhiti er í eigninni, stýrikerfi er í bílskúr, Anitrit er í gólflögn.
Gólfefni; Harðparket á stofu/borðstofu, gangi og öllum svefnherbergjum, líka svefnherbergi inn af bílskúr. Flísar eru á forstofu, baðherbergi og eldhúsi. Málað gólf í bílskúr.
Gluggar og hurðar úr harðvið.

Stór sólpallur með skjólgirðingu er við suðurenda hússins, 34,4 m² samkvæmt skráningu Þjóðskrár Íslands. Lagnir eru tilbúnar fyrir heitan pott á pallinum. Húsið er Steníklætt timburhús. 
Steypt stétt er fyrir framan hús og möl í bílaplani. Garðurinn er gróin, í garði er geymsluskúr á steyptum sökkli 14,94 m² sem fylgir með. Fánastöng er fyrir framan hús, gróðurkassar í vinnuhæð á baklóð.
Engir nágrannar eru til norðausturs við húsið en þar er opið svæði með lítilli tjörn og útsýni til fjalla.

Vel skipulagt einbýlishús í útjaðri byggðar á Stokkseyri. Stokkseyri er í 14 km fjarlægt frá Selfossi og tilheyrir sveitarfélaginu Árborg.
Húsið stendur stutt frá grunnskóla og íþróttavelli. Kynntu þér part af sögu Stokkseyrar HÉR. Ýtið hér fyrir staðsetningu.