Sjafnargata 1A - Til leigu

Til leigu verslunarrými í Sjafnargötu 1A, 603 Akureyri.

Um er að ræða nýtt verslunarrými í nýju húsi Tengi Ehf sem byggt var árið 2024 við Sjafnargötu 1A.
Leiguhlutinn miðast við ca. 379 m2 verslunar- og þjónustuhúsnæði ásamt 144 fm skrifstofu og/eða starfsmanna rými og 17 m2 sameign, heildarstærð 540 m2.
Rýmið sem er með 7-8 metra lofthæð og stórum gluggum er mjög sýnilegt og snýr í norð-austur að þjóðvegi 1. Mikil uppbygging er á svæðinu, en þar má helst nefna verslunarkjarnann Norðurtorg.

** Möguleiki er á að leigja efri hæðina sér og verslunarrýmið sér. ** 

Rýmið skiptist í Verslunarrými, bakrými/lager með innkeyrslu og gönguhurð og rúmgott milliloft sem hægt er að nýta sem starfsmanna aðstaða og skrifstofur.

Tilbúið til afhendingar
 
Hús- og skilalýsing vegna húsnæðis að Sjafnargötu 1A, 603 Akureyri
 
Eftirfarandi húslýsing miðast við ca. 379 m2 verslunar- og þjónustuhúsnæði ásamt 144 m2 millilofti og 17m2 sameign, heildarstærð 540 m2, sjá endanlega stærð í samþykktum byggingarnefndarteikningum. 
 
- Húsið sjálft er stálgrindarhús ca. 25 metrar á breidd og ca. 55 metrar á lengd. Á þaki eru samlokueiningar og útveggjaklæðning úr samlokueiningum.  
Steinsteypt gólfplata er vélpússuð. Gólfplatan þolir meðal notálag 2,5 tonn/m2 og punktálag 7,5 tonn.  
- Frí lofthæð húsnæðis er ca. 7-8 metrar í sýningarsal. Húsnæðið afhendist án milliveggja fyrir utan þá sem skilja að leigurými og búið er að setja upp. Búið er að afmarka milliloft frá aðalrými með veggjum.   
- Gólfhiti verður á báðum hæðum byggingarinnar. Húsnæðið verður afhent án gólfefna.   
- Gluggar á framhlið og aðalinngangshurðir eru úr áli með tvöföldu einangrunargleri og rafknúnum opnunarbúnaði. Vöruhurð er í húsinu samkvæmt samþykktum byggingarnefndarteikningum.  
- Stofnlagnir fyrir brunaviðvörunarkerfi, rafmagn, og vatn ( heitt & kalt ) verða lagðar í rýmið og sér leigutaki um að aðlaga framangreint eftir sínum þörfum í hinu leigða rými.  
- Grunn rafmagnstenglar og dósir eru á kostnað leigusala, en aðrar útfærslur sér leigutaki um.   
- Loftræstisamstæða er komin á staðinn á kostnað leigusala, en uppsetning á loftræstistokkum er á kostnað leigutaka. 
- Vinnulýsing er uppsett í loftum á báðum hæðum.  
- Milliloft afhendist án milliveggja og sér leigutaki um að aðlaga það að sinni starfssemi.   
- Í lok leigutíma skal leigutaki skila húsnæðinu í sama ástandi og hann tekur við því nema með skriflegu samþykki leigusala.  
- Raflýsing á bílastæðum og á húsi við aðal- og vöruinngang eru frágengin.  
- Bílastæði eru malbikuð, kantsteinar steyptir og lóð jöfnuð og frágengin í endanlega hæð og hún þökulögð þar sem við á.    
- Gangstéttar framan við hús og við vörumóttöku eru steyptar eða malbikaðar með hitalögn.  
- Rýmið verður afhent í því ástandi sem hér að framan greinir en auk þess verður það þrifið og allt rusl fjarlægt.  
 
Húsið verður afhent í því ástandi sem hér að framan greinir en auk þess verður það þrifið og allt rusl og afgangs byggingarefni flutt af byggingarstað. 

Nánari upplýsingar veita:
Helgi Steinar á helgi@kasafasteignir.is eða í síma 666-0999.
Sigurpáll á sigurpall@kasafasteignir.is eða í síma 696-1006.