Kirkjulundur 6

Frábærlega vel staðsett 3ja herbergja íbúð fyrir 60 ára og eldri á efri hæð að Kirkjulundi 6 í Garðabæ, í örstuttu göngufæri við Garðatorg. Bílastæði í bílageymslu og gott aðgengi með lyftu. Samkomusalur er í húsinu til afnota fyrir íbúðareigendur. Upphitaður göngustígur er yfir á Garðatorg þar sem hægt er að sækja alla helstu þjónustu, meðal annars heilsugæslu, bókasafn, verslanir og veitingastaði. Fyrir ofan Kirkjulund er Vídalínskirkja.

Eignin skiptist í forstofu, stofu, laufskála, tvö svefnherbergi, eldhús, baðherbergi og geymslu í kjallara. Svalalokun er á rúmgóðum svölum sem snúa í vestur. Eignin er skráð hjá Þjóðskrá Íslands 95,5 m2.

Nánari lýsing:
Forstofa: Gengið er inn um stigahús með lyftu og þaðan út þar sem er sérinngangur af svölum. Viðarfataskápar og ljósar flísar á gólfi.
Stofa og laufskáli eru björt rými með útgengi á vestursvalir með svalalokun og útsýni til vesturs. Parket er á gólfum.
Eldhús er með hvítri innréttingu og tengi fyrir uppþvottavél. Milli efri og neðri skápa eru hvítar flísar. Borðkrókur. Parket á gólfi.
Baðherbergi er með hvítri viðarinnréttingu, sturtuklefa, salerni með stuðningsgrind á vegg, aðstöðu og tengi fyrir þvottavél. Hvítar flísar á gólfi.
Svefnherbergin eru tvö, bæði með viðarfataskápum.
Geymsla er sér á jarðhæð, hún er 5,9 m2 og ekki inni í uppgefnum fermetrafjölda íbúðar.
Bílastæði í læstri bílageymslu er á jarðhæð. Þvottaaðstaða. Mögulegt að útbúa rafhleðslustöð.

Samkomusalur er í húsinu og er til afnota fyrir íbúa gegn vægu gjaldi.

Væntanlegur kaupandi er hvattur til að skoða eignina vel.

Nánari upplýsingar veitir Daði Runólfsson lgf. í síma 698-1164 eða dr@gimli.is

Hér er frábært tækifæri til að búa á besta stað í Garðabæ í fallegu fjölbýli þar sem stutt er í alla helstu þjónustu í göngufæri.