Húnabraut 24

Domus Fasteignasala á Blönduósi kynnir til sölu Húnabraut 24, 540 Blönduós

Smelltu hér til að skoða kynningarmyndband um eignina

Í einkasölu – Rúmgott og vel skipulagt einbýlishús á tveimur hæðum með bílskúr. Heildarstærð samkvæmt Þjóðskrá Íslands: 254,7 m². Þar af er íbúð 215,6 fm og bílskúr 39,1 fm.

Lýsing eignar
Rúmgott tveggja hæða einbýlishús með innbyggðum bílskúr. Á neðri hæð er forstofa, svefnherbergi með nýju parketi og ofni, svefnherbergi, baðherbergi, stórt þvottahús með innangengi í bílskúr og eldhús sem gefur möguleika á aukaíbúð. Á efri hæð er bjart hol, eldhús með borðkrók, rúmgóð stofa með útgengi á svalir og fallegu útsýni, tvö svefnherbergi og baðherbergi. Nýir gluggar og svalahurð fylgja með í kaupum og eignin býður upp á mikla möguleika.

Neðri hæð
Forstofa: Flísalögð, með fatahengi.
Forstofuherbergi: Rúmgott með nýju parketi á gólfi og nýjum ofni. 
Svefnherbergi: Rúmgott svefnherbergi er inn af stofu með parketi á gólfi. 
Þvottahús: Stórt þvottahús er á neðri hæð og þaðan er innangengt í bílskúr.
Baðherbergi: Flísalagt baðherbergi með sturtu og hvítri innréttingu 
Eldhús: Annað eldhús er á neðri hæð sem gefur möguleika á auka íbúð á neðri hæð. 
Bílskúr: Innangengt er í bílskúr úr húsinu með steyptu gólfi. 

Efri hæð:
Stigi: Fallegur stigi úr forstofu leiðir upp á efri hæð.
Hol: Bjart rými sem tengir saman eldhús, stofu og svefnherbergisgang. Fallegt málverk úr af Vatnsdalnum er á vegg í holi. 
Eldhús: Eldri en snyrtileg eldhúsinnrétting, gott vinnupláss og borðkrókur. Inn af eldhúsi er búr. 
Stofa / borðstofa: Rúmgóð og parketlögð stofa er á efri hæð og útgengt er á svalir úr stofu.
Stórir gluggar veita mikið náttúrulegt ljós og fallegt útsýni yfir Húnaflóa og Strandafjöll.
Herbergi:
Tvö svefnherbergi. Tvö svefnherbergi eru á efri hæð með parketi á gólfi. Útgengt er á svalir úr hjónaherbergi. 
Baðherbergi: Baðherbergi á efri hæð er með flísum á gólfi, viðarlitri innréttingu og baði. 

Nokkur atriði: 
- Komið er að því að mála inni og úti. 
- Búið er að setja innréttingu í þvottahús og útbúa eldhús niðri. 
- Teppi á stiga er orðið slitið
- Eldhúsinnrétting á efri hæð er upprunaleg og skápar í hjónaherbergi og WC uppi. 
- Búið er að panta nýja glugga og svalahurð í stofu og hjónaherbergi. Það fylgir með í kaupum. 
- Skipt var um parket og ofn í forstofuherbergi á neðri hæð. 


Upplýsingar veita Friðrik Halldór Brynjólfsson löggiltur fasteignasali s 662-8034 domus@domus.is
eða Stefán Ólafsson hrl. löggiltur fasteignasali s 891-9425 stefano@pacta.is

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Domus Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 64.480 kr.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.