Indriðastaðahlíð 162 - Skorradalur

Indriðastaðahlíð 162, Skorradalur.

Einstakt og glæsilegt heilsárshús á stórri eignarlóð fremst í Skorradalnum. Húsið er skráð 266,5 fm og stendur á 6.237 fm eignarlóð í lokuðu hverfi með aðgangsstýringu. Eignin nýtur mikils og óhindraðs útsýnis, er með rúmgóðum bílskúr, stórri verönd allt um kring, gólfhita og heitum potti á verönd. Hér er um að ræða vandaða og rúmgóða eign á friðsælum stað þar sem náttúra, útsýni og góð aðstaða fara einstaklega vel saman.

Skráð stærð 266,5 fm.
Eignin skiptist þannig að neðri hæð er 26,6 fm auk 77,7 fm bílskúrs og efri hæð er skráð 162,2 fm. Samtals birt stærð er 266,5 fm.

Helstu atriði

• Glæsilegt heilsárshús á 6.237 fm eignarlóð fremst í Skorradalnum.
• Skráð 266,5 fm skv. HMS, þar af 77,7 fm bílskúr.
• Stór verönd allt um kring, heitur pottur og mikið útsýni.
• Rúmgóð alrými, fjögur svefnherbergi og tvö baðherbergi.
• Gólfhiti, epoxy á neðri hæð og góð aðkoma í lokuðu hverfi með aðgangsstýringu.

Nánari upplýsingar veita:
Ómar Hjaltason astmf. S:778-9090 eða omar@palssonfasteignasala.is
Páll Pálsson Lgf. í S:775-4000 eða palli@palssonfasteignasala.is


Nánari lýsing
Við Indriðastaðahlíð 162 er að finna afar glæsilegt heilsárshús á stórri eignarlóð í fallegu og friðsælu umhverfi fremst í Skorradalnum. Húsið stendur hátt í landi og nýtur víðsýnis yfir umhverfið og náttúruna í kring. Aðkoma að húsinu er góð og hverfið er lokað með aðgangsstýringu.
Eignin er á tveimur hæðum. Neðri hæð skiptist í rúmgóðan bílskúr, opið rými, stórt þvottahús og gluggalaust rými inn af bílskúr. Bílskúrinn er skráður 77,7 fm og er með sjálfvirkum hurðaopnara. Epoxy er á gólfum neðri hæðar og frá þvottahúsi er stigi upp á efri hæð.
Aðalinngangur er sunnanmegin við húsið. Komið er inn í rúmgóða forstofu og þaðan tekur við opið og bjart rými. Stofan er rúmgóð og nýtur sín vel með mikilli lofthæð, fallegum gluggum og óhindruðu útsýni yfir umhverfið. Rýmið hefur hlýlegt yfirbragð og tengist vel bæði eldhúsi og útisvæði.
Eldhúsið er með snyrtilegri innréttingu, góðu vinnu- og skápaplássi og eyju. Við eldhúsið er rúmgóður borðkrókur með útgengi út á timburpall / svalir, þar sem útsýnið og staðsetning hússins njóta sín vel. Inn af borðkrók er rúmgott svefnherbergi og inn af því er baðherbergi með upphengdu salerni, sturtu og handklæðaofni. Frá baðherberginu er útgengt á pallinn og að heitum potti.
Á efri hæðinni er einnig setustofa / sjónvarpsstofa með útgengi út á timburpall / svalir. Aðalbaðherbergi er flísalagt í hólf og gólf, með walk-in sturtu, handklæðaofni og upphengdu salerni. Frá baðherbergi er einnig útgengt á pall / svalir. Þrjú svefnherbergi til viðbótar eru í húsinu.
Gólfefni á efri hæð eru parket og flísar, en epoxy er á neðri hæð.
Húsið er bjart, rúmgott og hentar vel bæði sem heilsárshús og vandað frístundaheimili fyrir þá sem vilja njóta náttúrunnar án þess að vera langt frá þjónustu.
Staðsetning

Indriðastaðahlíð er vinsælt og friðsælt svæði í Skorradal. Umhverfið einkennist af fallegri náttúru, víðsýni og góðum möguleikum til útivistar. Stutt er í alla helstu verslun og þjónustu í Borgarnesi.
Hér er um að ræða einstaklega áhugaverða eign þar sem stærð, staðsetning, útsýni, stór lóð, bílskúr og vönduð útiaðstaða mynda sterka heild.





www.eignavakt.is
www.verdmat.is 
Góð ráð fyrir kaupendur / seljendur

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 3,800 af hverju skjali.
3. Lántökugjald lánastofnunar - samanber gjaldskrá viðkomandi lánastofnunar.
4. Umsýsluþóknun til fasteignasölu, sbr.kauptilboð.

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Pálsson fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.