Vesturfold 52

Domus Fasteignasala kynnir í einkasölu:

Domus Fasteignasala hefur fengið til sölu fallegt og vel skipulagt einbýlishús á eftirsóttum stað í Foldahverfi í Grafarvogi. Um er að ræða bjarta og rúmgóða eign á einstaklega stórri 1.024 fm lóð með stórum palli og aukinni lofthæð að hluta til. Eignin er staðsett á grónum og fjölskylduvænum stað í lokaðri botnlangagötu þar sem stutt er í skóla, þjónustu og fjölbreytt útivistarsvæði.

Smelltu hér til að skoða kynningarmyndband um eignina

Nánari lýsing:
Aðkoma að eigninni er snyrtileg með hellulagðri innkeyrslu, góðu bílastæði og rúmgóðum innangengum bílskúr.

Forstofa er flísalögð og rúmgóð. Frá henni er aðgengi að einu herbergi eignarinnar, gestasalerni og innangengum bílskúr. Inn af forstofu tekur við bjart og opið alrými þar sem stofa, borðstofa og eldhús mynda hjarta heimilisins.

Stofa, borðstofa og eldhús mynda rúmgott og bjart alrými þar sem hátt er til lofts. Stórir gluggar veita rýminu góða birtu. Frá stofu er útgengt á stóran og skjólgóðan pall sem nýtist vel til útiveru og samveru. Hjónaherbergið nýtur jafnframt beins aðgengis að pallinum.

Eldhúsið er vel staðsett í tengslum við alrýmið og býður upp á góða skápaaðstöðu og vinnupláss.

Stofa og borðstofa eru rúmgóðar og henta vel fyrir daglegt fjölskyldulíf jafnt sem gestamóttöku.

Eignin býður upp á tvö góð svefnherbergi auk þriðja herbergis sem í dag er nýtt sem skrifstofa.

Aðalbaðherbergi er rúmgott og búið bæði baðkari og sturtu. Auk þess er gestasalerni staðsett við forstofu eignarinnar.

Rúmgott þvottahús innan eignarinnar er flísalagt og búið sturtuaðstöðu.

Bílskúrinn er rúmgóður og innangengur frá húsinu.

Lóð og útisvæði

Lóðin er einn helsti kostur eignarinnar. Hún er einstaklega stór, alls 1.024 fm, gróin og vel hirt með fallegum trjágróðri, grasflöt og stórum palli sem skapar skjólgott umhverfi til útiveru. Á lóðinni er jafnframt útigeymsla auk yfirbyggðrar ruslageymslu sem stuðlar að snyrtilegu umhverfi og góðri nýtingu útisvæða.

Bílskúr og geymslur

Eigninni fylgir rúmgóður innangengur 41,6 fm bílskúr með góðu geymslu- og vinnurými. Yfir hluta eignarinnar er háaloft sem nýtist vel til geymslu.

Viðhald og endurbætur

Eigninni hefur verið vel við haldið í gegnum tíðina. Fyrir um þremur árum var til að mynda skipt um þak og þakkanta. Jafnframt hefur verið vel hugað að gluggum og almennu viðhaldi eignarinnar.

Staðsetning

Eignin er staðsett á eftirsóttum og fjölskylduvænum stað í Foldahverfi í Grafarvogi. Í nágrenninu eru leik- og grunnskólar, verslun, þjónusta, íþróttaaðstaða og fjölbreytt útivistarsvæði. Góðar göngu- og hjólaleiðir eru um hverfið og greiður aðgangur að helstu samgönguleiðum.

Hér er um að ræða fallegt og vel viðhaldið einbýlishús á einstaklega stórri lóð sem býður upp á björt og rúmgóð rými, glæsileg útisvæði og eftirsótta staðsetningu í Foldahverfi Grafarvogs.

Upplýsingar veita Friðrik Halldór Brynjólfsson löggiltur fasteignasali s 662-8034 domus@domus.is,  Stefán Ólafsson hrl. löggiltur fasteignasali s 891-9425 sol@domus.is og Sigurður Pétur Stefánsson s 698-6971 siggi@domus.is

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Domus Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 71.920 kr.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.