Hlíðarból 0

Um er að ræða gistiheimili í Fljótshlíð í tveimur húsum, samtals að 208,1 fm. 

Stærra húsið er 156,1 fm  steinsteypt f.v. íbúðarhús og 52 fm sér hús sem er stúdíó íbúð. 
Íbúðarhúsið er með sex svefnherbergjum, baði, forstofusnyrtingu og stofu. Eldhúsi, borðstofu og rúmgóðri verönd. Parket er á gólfum og flísar. 

Minni íbúðin er 52 fm timburhús með steinsteypti plötu, er með rúmgóðu svefnherbergi, góðu baði og eldhúsi, ásamt stofu. Þar fyrir framan sem gengi er inn er skjólgóð verönd sem gott er að vera á. 

Nánari lýsin stærra húss:
Komið er inn i forstofu með flísum á gólfi og fataskáp.  Baðherbergi með flísum á gólfi, flísaplötum á veggjum sturtu og þar er innrétting.  
Annað baðherbergi með flísum á veggjum og gólfi, sturtu og innréttingu.  Gott þvottahús með flísalagt gólfi.  Rúmgóð setustofu með parketi á gólfi.  
Eldhús og borðstofa er með parketi á gólfi og þrifalegri innréttingu. Þaðan má ganga út á suður verönd. Eins manns herbergi er með dúk á gólfi.  
Stórt fjölskylduherbergi er með parketi á gólfi.  Þrjú tveggja manna herbergi með parketi á gólfum.  Húsið er kynt með rafmangi.  Við það er verönd úr timbri. 

Minna húsið er byggt úr timbri og er klætt að utanverðu með stálklæðningu og standandi timburklæðningu á einni hlið. 
Forstofa er með timburgólfi.  Eldhús og setustofu með parketi á gólfi og nettri innréttingu.  
Baðherbergi með flísum á gólfi og flísaplötum á veggjum, sturtu og innréttingu.  
Tvö tveggja manna herbergi með parketi á gólfum.  

Steinsteyptar hellulagðar gangstéttar og malarborið bifreiðastæði við húsin. 

Húsin er í góðu viðhaldi og hefur verið ný málað að utan og borið á við. Járnklæðing er á íbúðarhúsinu en viðarklæðing á minni íbúðinni. 
Húsin standa á eignarlóð. Hægt er að kaupa meira land af sama eiganda, sem er möguleiki er að byggja fleiri hús á. Það væri kostur fyrir rekstaraðila. Mögulegt er að leigja þvottaraðstöðu af landeiganda eða kaupa fleiri hús á jörðinni, ef hentar. 

Rúm, búnaður í eldhúsi, sængur og lín fylgja með. Gistingin hefur verið rekin um árabil og er góð einkunn frá viðskiptavinum. Mest er sótt í minna rýmið sem er grundvöllur fyrir leigu allt árið. Einkum hópar sækja í húsið eða fjölskyldur. 

Þetta er gott tækifæri fyrir ferðaþjónustufyrirtæki að bæta við sig þessum húsum eða tækifæri fyrir minni aðila að byrja rekstur í ferðaþjónustu.