Borgir 1

Hvammur Eignamiðlun 466 1600  kaupa@kaupa.is

Borgir 1 - sumarhúsalóðir, eignarlóðir í falleg umhverfi og með miklu útsýni í Grýtubakkahreppi í utanverðum Eyjafirði

Forsendur og staðhættir:
Sumarhúsalóðirnar sem nefnist Borgir eru skammt norðan við mannvirki jarðarinnar Grýtubakka I, skammt austan Grenivíkurvegar.
Lóðirnar sem nefnast Borgir 1., Borgir 2. og Borgir 3. eru á gróðurlitlum melum í þó nokkrum halla á afgirtu landi sem friðað hefur verið fyrir beit búfjár síðar liðin ár, búið er að planta trjágróðri í stóran hluta landsins, fyrst upp úr 1980.
Mikið útsýni er frá lóðunum vestur og suður yfir Eyjarfjörð.
 
Aðkoma og veitur:
Fjarðlægð frá Akreyri er um 30 km. og um 4 km sunnar Grenivíkur, aðkoma að lóðunum er af heimreið að íbúðahúsi Grýtubakka 3 sem tengist Grenivíkurvegi.
Neysluvatn fæst úr neysluvatnlögn sem lögð hefur verið 1200 metra leið frá borholu sem staðsett er á suðurbakka Gljúfurár að húsum Grýtubakka I og liggur lögnin skammt austan við svæðið, gert ráð fyrir að tenging við inntak verður við lóðamörk.
Lóðin afhendist með niðurgrafinni rotþró innan lóðarmarka og verður frágangur í samræmi við kröfur Heilbrigðiseftirlit Norðurlands eystra.
Lóðarhafi gengur frá viðskiptum við RARIK um kaup á inntaki rafmagns í húsið.
 
Skilmálar:
Á hverri lóð er heimilt að byggja eitt hús þar sem hámarksstærð að grunnfleti getur verið allt að 100 m² ásamt 12 m² sérstæðu húsi . Húsin skulu vera á einni hæð og byggð með risþaki, eigi meira en 25 gráðu halli. Hámarksheildarhæð húsa er 4.50 m. en sérstæðu húsanna 3,7 m. Staðsetning húsa innan byggingarreits er frjáls, en stefna þeirra taki mið af landslagi og stefnu byggingarreita.