Skipar 1 og 2

Um er að ræða jörðina Skipar í Stokkseyrahreppi hinum forna. Jörðin sem er til sölu er á tveimur landnúmerum, Skipar 1 og 2. og möguleiki að kaupa aðra þeirra eða báðar saman. Skemmtileg eign sem á landamerki að sjó, og stórt vatn með möguleika á veiði. Skipar 1 og 2 býður upp á mikla möguleika, vel staðsett og stutt til Reykjavíkur og Selfoss..

Jörðin, Skipar, lnr. 165565 , 801 Selfoss, ásamt öllu sem henni fylgir og fylgja ber að engu undanskildu.
Jörðin er u.þ.b. 19 ha. spilda, austan við Stokkseyri. Skipavegur skiptir jörðunum. Skipar 1 er vestan við Skipaveg. Skipar 1 á landamerki að Eystri-Grund, til austurs og Skipar 2 til vesturs. Jörðin er gott byggingarland og eru þar góð tún sem hafa verið slegin 2x á ári og haldið vel við. Spildan nær alveg að sjó. Staðsetning jarðarinnar er góð hvað varðar framtíðar uppbyggingu en hún staðsett rétt fyrir utan Stokkseyri. Ekkert heitt vatn er á jörðinni en stutt í veitu sveitarf. Árborgar.

Engin mannvirki, að utan gamals bragga, eru á jörðinni. Samkvæmt fasteignamati HMS. er ræktað land 9. ha.

og Jörðin Skipar 2, lnr. 165566, 801 Selfoss, ásamt öllu sem henni fylgir og fylgja ber að engu undanskildu. Jörðin er nokkuð stór, en þurrlendi er u.þ.b. 115 ha. og nær frá sjó allt að Eystri-Grund og Traðarholti, til norðurs og Baugstaða 1-3 til austurs. Skipavatn skiptir jörðinni í tvennt en vatnið er brúað með gamalli brú sem hægt er að keyra yfir á bíl og hafa traktorar farið yfir með kerruvagn og rúllur. Nokkur veiði er í vatninu í net en engin á stöng skv. eiganda.
Spildan sem er sunnan við Skipavatn er að mestu leyti góð tún í ræktun, og hafa verið slegin 2x á ári en hluti af spildunni, á milli Skipalundar og Skipa 3 er mýri. Jafnframt nær spildan yfir Gaulverjarbæjarveg og niður að sjó. Spildan austan við Skipavatn skiptist einnig í góð tún og mýri. Ekkert heitt vatn er á jörðinni en stutt í veitu sveitarf. Árborgar.

Engin mannvirki eru á jörðinni. Samkvæmt fasteignamati HMS. er ræktað land 37,4 ha.

Sameiginleg stærð jarðarinnar er því u.þ.b. 160ha og af því ræktað land u.þ.b. 46ha. Jarðirnar seljast stakar eða saman.

Gjöld sem kaupandi þarf að standa straum að vegna kaupanna.

1. Stimpilgjöld af kaupsamningi - 0,8 % af heildarfasteignamati og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2700 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill LÓB fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Nánari upplýsingar veita Ólafur Björnsson, lögmaður og löggiltur fasteignasali oli@olafur.is - s: 416 2220 - gsm: 894 3209  eða Kristófer Ari Te Maiharoa, lögfræðingur og nemi til löggildingar fasteignasala kristo@olafur.is s: 416-2223, gsm: 695 6134