Stafafellsfjöll 25 a

FALLEGT SUMARHÚS Í STÓRBROTINNI NÁTTÚRU Í STAFAFELLSFJÖLLUM Í LÓNI HORNAFIRÐI.
Valhöll fasteignasala, Síðumúla 27, sími: 588-4477 og Snorri Snorrason, löggiltur fasteignasali, sími: 895-2115 eða snorri@valholl.is, kynna til sölu:
Fallegt og vel staðsett 58,1 fm sumarhús við Stafafellsfjöll 39A í Lóni í Hornafirði. Húsið er byggt árið 2010 úr timbri og stendur á 3.694 fm afgirtu leigulandi. Umhverfis húsið eru rúmgóðar verandir og frá eigninni er fallegt útsýni til fjalla.
Stafafellsfjöll í Lóni eru einstök náttúruperla í um 20 mínútna akstursfjarlægð frá Höfn í Hornafirði. Svæðið einkennist af stórbrotnu fjallalandslagi, fjölbreyttri litadýrð og einstakri náttúrufegurð. Þar eru fjölmargar fallegar gönguleiðir, meðal annars inn í Kollumúla yfir göngubrú á Jökulsá. Staðsetningin býður upp á mikla möguleika til útivistar og notalegrar dvalar í friðsælu umhverfi.
Húsið stendur á skjólsælum stað með góðu útsýni. Verandir eru umhverfis húsið og þakskegg nær vel út fyrir útveggi og yfir hluta verandanna. Á lóðinni er borhola fyrir neysluvatn og rotþró. Sambyggð húsinu er óeinangruð geymsla með sérinngangi.
Nánari lýsing eignar:
Stofa og eldhús: Bjart og opið alrými þar sem stofa og eldhús mynda notalega heild. Eldhúsinnrétting er með viðarfrontum og parket á gólfi.
Svefnherbergi I: Svefnherbergi með parketi á gólfi.
Svefnherbergi II: Svefnherbergi með parketi á gólfi.
Baðherbergi: Rúmgóður sturtuklefi, hvít hreinlætistæki, innrétting og aðstaða með tengi fyrir þvottavél.
Svefnloft: Yfir hluta alrýmisins er svefnloft sem eykur nýtingarmöguleika hússins. Einnig eru geymsluloft yfir báðum svefnherbergjunum.
Geymsla: Sambyggð húsinu er óeinangruð geymsla með sérinngangi. Þar eru hitakútur fyrir neysluvatn og rafmagnstafla.
Rafmagn og fjarskipti: Í húsinu er 2 x 220 V rafmagnsheimtaug ásamt móttakara og beini fyrir internettengingu.
Verandir og lóð: Verandir eru allan hringinn í kringum húsið og skapa góða möguleika til útiveru. Þak nær yfir hluta verandanna. Lóðin er 3.694 fm, afgirt og húsið stendur í góðu skjóli með fallegu útsýni til fjalla.
Innbú: Samkomulag verður milli kaupanda og seljanda um hvaða innbú fylgir eigninni við sölu.
Lóðarleiga: Lóðin er 3.694 fm afgirt leigulóð. Árleg lóðarleiga samkvæmt fyrirliggjandi upplýsingum er 41.326 kr., vísitölubundin miðað við mars 2009. Fyrirliggjandi lóðarleigusamningur rann út árið 2025 en seljandi mun sjá um gerð nýs lóðarleigusamnings fyrir kaupsamning.
Nánar um skipulag í Stafafellsfjöllum:
Samkvæmt deiliskipulagi svæðisins frá 10.12.2014 eru skilgreindar 78 lóðir undir frístundahús. Á hverri lóð er heimilt að byggja allt að þrjú hús, eftir stærð og nýtingarhlutfalli lóðar.
Frístundahús eða aðalhús má vera allt að 120 fm og ekki minna en 30 fm. Aukahús eða gestahús má vera allt að 30 fm, þó ekki stærra en helmingur af stærð aðalhúss. Geymsla má vera allt að 25 fm.
Á lóðum sem eru 6.000 fm og stærri er leyfilegt byggingarmagn allt að 180 fm en á minni lóðum takmarkast byggingarmagn við nýtingarhlutfallið 0,03. Byggingarmöguleikar á hverri lóð eru háðir gildandi skipulagi og samþykki byggingaryfirvalda.
Vatnsöflun á svæðinu er á ábyrgð hvers lóðarhafa. Sorp skal setja í þar til gerðan gám við Jökulsárbrú.
Nánari upplýsingar um deiliskipulag Stafafellsfjalla frá 10.12.2014, nr. 12296, má finna hér:
http://skipulagsaaetlanir.skipulagsstofnun.is/skipulagvefur/DisplayDoc.aspx?itemid=04635507136694766017
http://skipulagsaaetlanir.skipulagsstofnun.is/skipulagvefur/DisplayDoc.aspx?itemid=04635507137078681216
Um skoðunar- og aðgæsluskyldu kaupenda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valhöll fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.