Kríuás 19

Nýtt í sölu! Kríuás 19 Hafnarfirði

--- Frábær fjölskylduíbúð á efstu hæð með glæsilegu útsýni og með útivistarparadís í bakgarðinum ---

Lind fasteignasala / Heimir Hallgrímsson lögg. fasteignasali kynnir virkilega fallega og vel skipulagða 110,2 fermetra 4ra herbergja útsýnisíbúð á 3. hæð (efstu) með rúmgóðum svölum til vesturs/norðvesturs í fallegu fjölbýlishúsi við Kríuás 19 í Hafnarfirði. Möguleiki er að bæta við fjórða svefnherberginu. Alrými er opið og bjart með gluggum til suðvesturs/norðvesturs og útgengi á svalir með glæsilegu útsýni út Reykjanesið, Keili, Akranesi, Snæfellsjökli, Esjunni, út á sundin og víðar. Sér þvottaherbergi innan íbúðar. Sérgeymsla er staðsett á jarðhæð ásamt vagnageymslu og hjólageymslu. Sérinngangur af opnum svalagangi.

Húsið er staðsett á jaðarlóð til vesturs og norðvesturs með afar glæsilegu og miklu útsýni. Lóðin er afar snyrtileg með tyrfðum flötum á baklóð og malbikuðum stæðum fyrir framan hús. Í sumar hafa staðið yfir viðhaldsframkvæmdir við húsið sem nú eru á lokametrunum. Ráðgjafi var fenginn til að meta ástand hússins og farið var í þær framkvæmdir sem hann mælti með. Unnið hefur verið að smávægilegum múrviðgerðum, skipt um þá glugga sem voru komnir á tíma, og húsið hefur verið sílanborið og málað. Framkvæmdirnar eru nú við það að ljúka og seljandi greiðir kostnaðinn við þær að fullu.

Frábær staðsetning í næsta nágrenni við Áslandsskóla ásamt tveimur leikskólum (Tjarnarás og Stekkjarás). Stutt í útivistarparadís, sem liggur við bakgarðinn, með glæsilegum göngu- og hjólaleiðum sem liggja m.a. að Hvaleyrarvatni, Ástjörn og víðar.

Nánari lýsing:
Forstofa: Rúmgóð, með flísum á gólfi, skápum og glugga til austurs. 
Gangur: Með flísum á gólfi.
Stofa: Er rúmgóð, björt og með parketi á gólfi. Rúmar vel setustofu og borðstofu. Góðir gluggar til suðvesturs og norðvesturs með miklu útsýni og útgengi á svalir.
Svalir: Með glæsilegu útsýni út á sundin og til fjalla.
Eldhús: Með flísum á gólfi og opið að hluta við stofu. Falleg viðar eldhúsinnrétting með flísum á milli skápa og lýsingu undir efri skápum. Stál Bosch bakaraofn, keramik helluborð og tengi fyrir uppþvottavél. Gluggi til norðvesturs og borðkrókur.
Hjónaherbergi: Með parketi á gólfi, skápum á heilan vegg og glugga til austurs.
Svefnherbergi II: Með parketi á gólfi, skápum og glugga til suðvesturs með fallegu útsýni til fjalla og út á sundin.
Svefnherbergi III: Með parketi á gólfi, skápum og glugga til austurs.
Baðherbergi: Með flísum á gólfi og veggjum, baðkar með sturtutækjum, falleg innrétting við vask, handklæðaofn og salerni.
Þvottaherbergi: Með flísum á gólfi, góðum innréttingum og vask. Tengi fyrir þvottavél og þurrkara og vinnuborð.

Geymsla: Er staðsett á jarðhæð.
Hjólageymsla: Er sameiginleg og er staðsett á jarðhæð.
Vagnarými: Er sameiginlegt og er staðsett á jarðhæð. 

Allar nánari upplýsingar veitir:
Heimir Hallgrímsson lögg. fasteignasali / 849-0672 / heimir@fastlind.is