Fríðugata 16

RE/MAX / Brynjar Ingólfsson kynnir: Glæsilegt nýtt 150,1 fm fjögurra herbergja raðhús á einni hæð með sérgarði og bílskúr. Eignin er í nútímalegum funkisstíl þar sem góð lofthæð, stórir gluggar og samræmt efnisval skapa bjart og hlýlegt heimili.

- Fasteignamat verður - 81.600.000 kr 

- Hús og lóð eru fullfrágengin 
- Þrjú svefnherbergi
- Tvö baðherbergi með sturtu
- Vandað eldhús með stórri eyju og innbyggðum tækjum
- Sérþvottahús með innréttingu
- Bílskúr með epoxýgólfi og rafdrifnum hurðaopnara
- Loftræsting með varmaendurvinnslu í stofu og hjónaherbergi
- Sérgarður og fullfrágengin lóð
- Hús byggt úr léttsteypueiningum, einangrað að utan með steinull og frágengið með múrkerfi

Eignin skiptist í anddyri, alrými með eldhúsi, stofu og borðstofu, þrjú svefnherbergi, tvö baðherbergi, þvottahús/geymslu og bílskúr.
Nánari lýsing eignar:
Anddyri með góðum skápum sem ná upp að lofti. Vínilparket á gólfi og innréttingar í ljósum, hlýlegum lit.
Alrými er bjart og rúmgott, merkt 45,4 fm á grunnmynd. Eldhús, borðstofa og stofa mynda opna og samfellda heild. Stórir gluggar veita góða birtu og útgengt er í sérgarð. Innfelld lýsing er í lofti.
Eldhús með vönduðum Delinia-innréttingum í kasmírlit, dökkum höldum og góðu skápa- og skúffuplássi. Um þriggja metra löng eyja með sæti fyrir barstóla veitir gott vinnupláss og skemmtilega aðstöðu til samveru. Eldhúsið er búið bakaraofni í vinnuhæð, innbyggðri uppþvottavél, helluborði með innbyggðum gufugleypi og innbyggðum ísskáp með frysti. Lýsing er undir efri skápum.
Hjónaherbergi er rúmgott, merkt 18,1 fm á grunnmynd, með skápum, útgengi og aðgangi að sérbaðherbergi.
Barnaherbergi eru tvö, merkt 10,2 fm og 11,8 fm á grunnmynd. Vínilparket er á gólfum svefnherbergja.
Aðalbaðherbergi er með terrazzo-flísum á gólfi og á hluta veggja. Rúmgóð sturta með glerþili, upphengt salerni, handklæðaofn, innrétting og spegli með lýsingu. Dökk blöndunartæki og sturtubúnaður frá Grohe setja fallegan svip á rýmið.
Sérbaðherbergi hjónaherbergis er merkt 4,3 fm á grunnmynd. Þar eru sturta, upphengt salerni og innrétting með handlaug og spegli með lýsingu. Terrazzo-flísar og samræmt efnisval við aðalbaðherbergi.
Þvottahús/geymsla er merkt 6,1 fm á grunnmynd. Þar er innrétting með skúffum, vinnuborði og aðstöðu fyrir þvottavél.
Bílskúr er merktur 23,8 fm á grunnmynd, með epoxýhúðuðu gólfi, rafdrifnum hurðaopnara og vaskaðstöðu. Innangengt er úr húsi í bílskúr.
Gólfefni og innréttingar: Vínilparket er á meginhluta eignarinnar og flísar í votrýmum. Innréttingar og skápar eru frá Delinia og innihurðir frá BYKO. Ljósir, hlýlegir litir og dökk smáatriði mynda stílhreina heild.
Loftræsting: Í stofu og hjónaherbergissvítu eru AHRP 160 PLUS loftræstitæki með keramikvarmaskipti og varmaendurvinnslu. Tækin eru með næturstillingu og stjórnun með fjarstýringu eða snjallsímaforriti.
Bygging og lóð: Samkvæmt upplýsingum seljanda er húsið byggt úr léttsteypueiningum, einangrað að utan með steinull og frágengið með múrkerfi. Þak er úr steyptum holplötum með þakdúk frá Firestone. Sérgarður fylgir eigninni og hús og lóð eru fullfrágengin.

Allar frekari upplýsingar um eignina veitir:
Brynjar Ingólfsson MSc, löggiltur fasteignasali í síma 666 8 999 / brynjar@remax.is