Nýibær Skaftárhreppi

Nýibær í Skaftárhreppi, landeignanúmer L163418 er um 290 hektarar, þar af ræktað land um 22,9 hektarar.  Jörðin liggur að Skaftá og er í 254 km fjarlægð frá Reykjavík, stutt er á Kirkjubæjarklaustur eða um 4 mínútna  akstur, en þar er öll helsta þjónusta. Íbúðarhúsið er gert úr tveim samliggjandi hús um alls um 314m2. Eldra húsið var steypt árið 1979, 170m2 með bílskúr. Eldri hluti íbúðarhússins var töluvert endurbættur árið 2015 m.a. eldhús, bað og snyrting, gólfefni, innihurðir, gluggar og útihurðir (PVC) ál, vatnslagnir og holræsi.
Húsið skiptist í forstofu, hol, fjögur svefnherbergi, gang, eldhús, eitt baðherbergi, tvær snyrtingar, tveir bakinngangar, þvottahús, innangengt í bílskúr. Í húsinu eru rafmagnsofnar og ljósleiðari. 
Viðbyggingin sem er tengd við eldra húsið er 96m2 með tengigangi, byggðum árið 2016,  úr timbri með báruklæðningu og skiptist í tvær stofur, þar sem loft eru tekin upp, tveir  velux gluggar í þaki, annar með fjarstýringu. Þar er einnig kamína, gólfsíðir gluggar, rafdrifnar rúllugardínur, gólfhiti, flísar eru á öllu nema bílskúr. Utandyra er afgirtur timburpallur með grillhúsi, gengið út um glerrennihurð af tengigangi.
Útihús sem voru steypt árið 1954 (áður fjós 169m2 og hlaða 135 m2) samtengt alls 304m2, gólf steypt árið 2014, háar dyr, nýtt þak  frá  árinu 2018 gert úr yleiningum (100 mm), þriggja fasa rafmagn, kalt vatn tvær varmadælur. Tjald 170m2  á álgrind, yleiningar í þaki (3 mm), háar dyr, malargólf, steyptur sökkull. Á jörðinni eru tvö gömul og fremur léleg fárhús, sem standa stök og eru með hlöðnum veggjum.
Atvinnulóð 8000m2, landeignanúmer L187524 er austanvert á jörðinni.
Sumarbústaðaland 2500m2 á landeignanúmer L163627, er sunnan við þjóðveg 1, vestast á jörðinni við Ármannskvísl.
Skipulagt tjaldsvæði er úti í hólum sunnan við þjóðveg 1.
Veiðiréttur í Skaftá er á eina stöng og eitt net. Sjóbirtingur farinn að ganga upp tjarnir og Nýjabæjarlæk, sem rennur út í Skaftá,
Á jörðinni er einkaborhola fyrir kalt vatn og þrjár malarnámur og einnig er hægt að vinna steypumöl úr Skaftá. 
Nýibær varð skógræktarjörð árið  2016 og skuldbindur sig til að leggja 33 hektara lands til nytjaskógræktar í áföngum. 
Útsýni er stórfenglegt frá jörðinni, til austurs á Vatnajökul og til vesturs á Mýrdalsjökul.
Stutt í ýmsar náttúruperlur eins og Skaftafell, Jökulsárlón, Fjarðárgljúfur, Systrastapa, Lakagíga, Eldhraun og Landbrotshóla en stór hluti jarðarinnar er innan þessara hóla. Sveitin sjálf er þekkt fyrir miklfenglega náttúru og veðursæld. Jörðin er án bústofns og án véla.

Eftir lokun skiptiborðs:
Magnús Leópoldsson lögg. fasteignasali  gsm: 892 6000 magnus@fasteignamidstodin.is
Úlfar Freyr Jóhannsson lögmaður og lögg. fasteignasali sími: 550 3000 ulfar@fasteignamidstodin.is             
Sjöfn Ólafsdóttir lögg. fasteignasali sími: 550 3000 sjofn@fasteignamidstodin.is
María Magnúsdóttir lögfræðingur gsm: 899 5600  maria@fasteignamidstodin.is
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 0,0 - 1,8% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.