Álftamýri 2

Mjög falleg 4-5 herbergja íbúð á mjög góðum stað við Álftamýri í Reykjavík. Eignin er 130,3 fm. og þar af er bílskúr 20.3 fm. Íbúðin skiptist í stóra og bjarta stofu, 3 svefnherbergi, baðherbergi og þvottahús innan íbúðar, auk rúmgóðar geymslu í kjallara og bílskúrs.
Nánari lýsing: Forstofa með flísum á gólfi. Stofa og borðstofa er með parketi, suður svalir úr stofu, möguleiki á því að breyta borðstofu í 4 svefnherbergið. Eldhús er með nýjum innréttingum og eikarborðplötum og borðkrók, flísar á gólfi, í borðkrók er sérsmíðaður bekkur. Við hlið eldhúss er sér þvottahús íbúðarinnar með nýjum innréttingum með eikarborðplötu og flísum á gólfi. Mjög rúmgott hjónaherbergi með parketi á gólfi og fataherbergi inn af. 2 barnaherbergi með parketi á gólfi. Baðherbergi er allt endurnýjað, flísalagt og er með baðkari og nýrri innréttingu. Geislahiti er í lofti. Rúmgóð geymsla í kjallara. Í kjallara er sameiginleg snyrting. Sameiginleg hjóla- og vagnageymsla í kjallara. Bílskúrinn er í bílskúralengju, í honum er heitt og kalt vatn, góður gluggi og sjálfvirkur hurðaopnari, gönguhurð er í bílskúrshurðinni. Góðar auglýsingatekur eru af bílskúrnum. Skipt var um rafmagn í íbúðinni fyrir ca. 10 árum. Húsið og sameignin hefur verið mikið endurnýjuð undanfarin ár, skipt var um járn á þaki og niðurföll 2018, búið er að skipta um dren og lagnir í sameign og snjóbræðslukerfi sett í allar stéttir.
Seljandi greiðir allan samþykktan kostnað sem hlýst af yfirstandandi viðhaldsframkvæmdum, sem nánar tilttekið að skipt verður um glugga í íbúðinni, búið er að skipta um glugga á norðurhlið, múrviðgerðir og málning utanhúss. Verklok eru áætluð vor 2023. Hurð inn í íbúð var endurnýjuð 2020. ( eldvarnarhurð).