Klapparstígur 1

Höfði fasteignasala kynnir:

Ibúðin er SELD - Með fyrirvara!
ATH! Því verður ekki "Opið hús" í dag, þriðjudag!

GULLMOLI - STÓRGLÆSILEG 108,9 FM ÍBÚÐ Í VINSÆLU LYFTUHÚSNÆÐI MEÐ VÖNDUÐUM INNRÉTTINGUM, TVENNUM SVÖLUM OG ÖÐRUM YFIRBYGGÐUM MEÐ EINSTÖKU ÚTSÝNI OG STÆÐI Í LOKUÐU BÍLSKÝLI - 101 REYKJAVÍK.

Samkvæmt skráningu Þjóðskrár Íslands er birt flatarmál eignarinnar 108,9 fm.

Um er að ræða einstaka eign, falleg og rúmgóð íbúð á 6.hæð í steinsteyptu lyftuhúsnæði byggðu árið 1990 með sérstaklega vönduðum innréttingum og fallegu útsýni.
Húsnæðið er í húsaþyrpingu sem hefur fengið gott viðhald í gegnum árin. Íbúðin sem um ræðir stendur inn á lóðinni á hljóðlátum stað. Í húsinu starfar húsvörður á vegum húsfélagsins.
Íbúðin er skráð 102,4 fm. og geymsla 6,5 fm. bílastæði í bílageymslu er ekki skráð í fermetratölu.
Gengið er inn í rúmgóða forstofu, inn af henni er gangur en til vinstri eru tvö svefnherbergi en til hægri er baðherbergið. Stofurnar eru breiðar og rúmgóðar og eldhúsið er opið í stofurnar. Tvennar svalir eru við stofurnar, aðrar yfirbyggðar. Upprunalega var íbúðin með öðru skipulagi í eldhúsinu, en búið er að gera alveg einstakt kalt búr í enda þess við útvegg. Gott sameiginlegt þvottahús er á hæðinni og fallegar suð-austur morgun svalir eru við hlið íbúðarinnar. Góð 6,5 fm geymsla fylgir íbúðinni á jarðhæð sem og sér bílastæði í lokuðu bílastæðahúsinu. Einnig eru sameiginlegar hjóla- og vagnageymslur, önnur við innkeyrsluna í bílageymsluna.

Forstofa/gangur:  Rúmgóð forstofa með góðum fataskáp, flísar á gólfi forstofu og parket á ganginum.
Stofur: Bjartar með vönduðu parketi á gólfum, útgengt út á suðvestur yfirbyggðar svalir, fallegt útsýni. Stofurnar eru skemmtilega uppsettar og opnar yfir í eldhúsið, einnig eru aðrar svalir sem snúa í vestur.
Eldhús: Opið í stofurnar, glæsilegar innréttingar, gott skápa- og borðpláss. Stórt fimm hellu Siemens span helluborð og tveir Siemens ofnar og einstakur gufugleypir. Granít borðplötur frá S. Helgasyni, vaskur og helluborð eru niðurfeld í borðplötur. Flísar á gólfi og köld búrgeymsla.
Baðherbergi: Rúmgott með góðu skápaplássi, flísar gólfi og einnig veggjum, bæði baðkar og sturta.
Svefnherbergi: Tvö rúmgóð herbergi með parketi á gólfum, gott skápapláss er í stærra herberginu, búið er að innrétta hitt herbergið með góðri vinnuaðstöðu og hillum.
Svalir: Tvennar svalir eru í stofum, aðrar yfirbyggðar suðvestur svalir sem hægt er að opna. Hinar svalirnar snúa í vestur. Báðar svalirnar eru flísalagðar með Höganäs-flísum.
Geymsla: Sér 6,5 fm geymsla fylgir á jarðhæð með hillum.
Stæði í bílageymslu: Sér merkt stæði fylgir í lokaðri bílageymslu. Ekið er inn í bílakjallara frá Skúlagötu.
Þvottahús: Sameiginlegt á hæðinni, snyrtilegt með skápa og hilluplássi, hver íbúð er með sína þvottavél.
Sameign: Snyrtileg sameign, húsfélagið sér um öll þrif í sameign. Tvær lyftur. Flokkunartunnur fyrir rusl og tvær sameiginleg vagna- og hjólageymslur. 
Garður/lóð: Sameiginleg, vel við haldið og mjög snyrtileg, grasfletir, tré, runnar, fjölærar plöntur og gangstéttar. Á lóðinni eru einnig nokkur bílastæði og gott aðgengi að húsinu fyrir gesti og gangandi. með bekkjum.

- Gólfefni íbúðarinnar eru parket sem er olíuborin eik og Höganäs flísar. 
- Innréttingar eru sérhannaðar.
- Ljósleiðari er komin inn í íbúðina. 
- Mynddyrasími er húsinu.
- Búið er að leggja rafleiðslur fyrir hleðslustöð í bílageymslu. 

ATH! Snyrtilegt umhverfi, sameiginlegur garður, stutt er í verslun, veitingastaði og menningarsvæði, ásamt því að stutt er í miðbæ Reykjavíkur.

Allar nánari uppl. og skoðun veitir:  Jóhann Friðgeir, lgf. GSM: 896-3038 e-mail: johann@hofdi.is