Skólastígur 5

Hvammur Eignamiðlun 466 1600 kaupa@kaupa.is

Stórt einbýli sem stendur á horni Laugargötu og Skólastígs á neðri Brekkunni skammt frá miðbæ Akureyrar og sundlauginni.
Húsið er skráð 314,2 m² að stærð og í húsinu er lyfta, 11 herbergi, eldhús, setustofa, tvö baðherbergi, salerni, þvottahús og geymslur. 
Góður garður er í kringum húsið, grasflöt, trjágróður, afgirtur að hluta og með leiktækjum - 537 m² að stærð.

Nánari lýsing:

Kjallari skiptist í eldhús og borðkrók með dúk á gólfi og snyrtilegri ljósri innréttingu, setustofu með dúk, þvottahús, salerni og geymslur.  Úr þvottahúsi er útgengt í garð til suðurs.

Inngangshæð: Forstofa, baðherbergi, sex 2ja manna herbergi og með dúk á gólfum og fataskápum.  Af gangi er útgangur á svalir til austurs.
 
Efri hæð er með fimm herbergjum, fjórum 2ja manna og einu 4ra manna, öll herbergin eru með dúk á gólfi og skápar eru í þremur þeirra.  Þar er einnig rúmgott nýlega upptekið baðherbergi, flísalagt, snyrtileg innrétting og sturta.  Af gangi er farið út á svalir til austurs.  Eitt herbergjanna er með svalir til vesturs.

Húsið var áður sambýli í eigu Akureyrarbæjar áður en núverandi eigendur breyttu húsinu í gistiheimili og þá var gistiheimilið Amma Guesthouse rekið í húsinu í nokkur ár.  Húsið er í dag skráð sem einbýli en auðvelt að breyta notagildi hússins aftur t.d. í gistiheimilisrekstur.  Gott aðgengi er að húsinu, rampur við aðalinngang og lyfta inni í húsinu.