Sóleyjarimi 3

Skeifan fasteignasala s. 568-5556 kynnir: Virkilega falleg 3ja herbergja endaíbúð á 5. hæð í góðu lyftuhúsi ásamt sérmerktu stæði í bílgeymslu, í húsi fyrir 50 ára og eldri. Fagurt útsýni. Íbúðin er laus til afhendingar strax. 
Komið er inn í rúmgóða flísalagða forstofu með fatahengi. Gott eikarparket er á allri íbúðinni. Út frá stofu eru stórar sólríkar svalir til suðurs með mjög fallegu útsýni. Möguleiki að setja upp svalalokun. Inn af borðstofu og í góðum tengslum við hana er eldhúsið með fallegri innréttingu með hurðum úr eikarspóni. Í eldhúsinu eru góð eldunartæki og háfur. Innaf svefnherbergisgangi eru tvö svefnherbergi með góðum skápum og útsýni yfir Esjuna og flísalagt baðherbergi með sturtuklefa og góðri innréttingu. Opnanlegur gluggi er á baðherbergi og hiti í gólfi. Svo er sér þvottahús með flísum og hita í gólfi, skolvaski og hillum. Í kjallara er rúmgóð geymsla með hillum og skáp. Snyrtileg sameign. Íbúðin er á efstu hæð með sérinngangi inn á yfirbyggðan svalargang. Gott sérmerkt stæði í lokuðu bílskýli fylgir. Stutt í verslunarkjarna í Spönginni.