Strandarvegur 21

Mikið endurnýjuð hús (tvö hús) sem breytt var í gistiheimili en hefur ekki verið nýtt sem slíkt undanfarið og leyfi til gistireksturs er ekki til staðar eins og staðan er í dag. Húsin voru áður verbúðir og eru skráð sem slík hjá Þjóðskrá Íslands. Verbúðirnar hafa verið endurnýjaðar mikið og er þar í dag 13 herbergi ásamt tveimur íbúðum.
Nánar tiltekið er um að ræða 288 m²  og 215 m² hús byggð úr steypu og timbri árið 1962 skv. fasteignskrá. Í öðru húsinu eru á efri hæð 7 herbergi, öll með sér baðherbergi og á gangi er einnig lítil geymsla, en búið er að endurnýja innihurðir. Á neðri hæð er lítil gestamóttaka, borðsalur og eldhús fyrir gesti, tvö lítil salerni með handlaug eru við gestamóttöku. Góð starfsmannaaðstaða með tveimur svefnherbergjum, baðherbergi og opnu eldhús/stofurými er einnig á neðri hæð. Þar er einnig sérinngangur fyrir starfsmenn.
Í hinu húsinu er búið að innrétta tvær íbúðir á annarri hæð, báðar með sérinngangi. Annars vegar er íbúð er með 3 svefnherbergjum, eldhúsi og sameiginlegu borðstofu/stofu rými og hinsvegar stúdíó-íbúð með lítilli eldhúsinnréttingu og baðherbergi. Flísar og parket eru á gólfum í íbúðum. Á neðri hæð eru 6 herbergi með tveimur sameiginlegum baðherbergjum. 
Búið er að endurnýja þak, útidyrahurðir og alla glugga í báðum húsum. Einnig hafa þau verið einangruð og klædd að utan með bárujárni. Aðkoma er snyrtileg en fyrir framan húsin er 605 m² trébryggja frá 1962 skv. fasteignaskrá sem fylgir húsunum.