Hafnarbraut 12

LIND fasteignasala og Helga Pálsdóttir löggiltur fasteignasali kynnir virkilega vel skipulagða og bjarta 2. herbergja 75,3 m2 íbúð á jarðhæð með sérinngangi og 14,3 m2 sérverönd með skjólveggjum til suðurs í nýlegu lyftufjölbýli staðsett á Kársnesi í Kópavogi í hverfi þar sem á sér stað mikil og flott uppbygging. Eigninni fylgir sérstæði í bílakjallara með geymslu inn af. Samkvæmt FMR er íbúðarhlutinn skráður 67,5 m2 ásamt 7,8 m2 geymslu. Íbúðin er afar vel staðsett, snýr út í sameiginlegan garð auk þess sem aðeins ein hlið hennar liggur að annarri íbúð. Eignin getur verið afhent við kaupsamning.
 
Nánari lýsing eignar.
Komið er inn í rúmgóða forstofu inn um sérinngang með harðparketi á gólfi og rúmgóðum fataskáp.
Baðherbergi með flísalögðu gólfi ásamt hluta veggja, tengi fyrir þvottavél og þurrkara og skápar upp í loft. Hvít baðinnrétting er með góðu skúffuplássi, hvítri borðplötu og niðurfelldri handlaug. Sturta er með glerskilrúmi, vegghengt salerni. Opnanlegur gluggi er á baðherbergi.
Eldhús með fallegri hvítri eldhúsinnréttingu með stálhöldum og nær upp í loft. Allar skúffur eru með mjúklokun. AEG bakarofn í vinnuhæð, innbyggður ísskápur og uppþvottavél, hvít eyja með helluborði, stál háfur/vifta með ljósi er yfir eyju.Eldhús er opið við borðstofu og stofu.
Stofa með harðparketi á gólfi og útgengi út á sérverönd með skjólveggjum. 
Hjónaherbergi er með harðparketi gólfi og hvítum fataskápum á heilum vegg. Innihurðir eru hvítar yfirfeldar.
Stæði í bílakjallara merkt 52. Geymla er inn af bílastæði, sameiginleg vagna- og hjólageymsla á jarðhæð.
 
Þetta er afar falleg vel skipulögð íbúð á vinsælum stað í vesturbæ Kópavogs. Brikk bakarí og Brasserie Kársnes eru í næsta húsi. Örstutt frá sjónum og í göngufæri við Sky lagoon böðin.
 
Allar upplýsingar um eignina veitir Helga Pálsdóttir fasteignasali í síma 822 2123 eða helga@fastlind.is