Vesturbakki 1, 0105

Fasteignasala Suðurlands (s 483 3424) kynnir:  Vesturbakki 1, Þorlákshöfn, nýtt 120,4m2, uppsteypt iðnaðarbil ásamt 46,2M2 millilofti,  merkt 0105.
Húsnæðið er mjög vel staðsett og afhendist fullbúið með malbikaðri lóð. 
Góður sérafnotaflötur er fyrir bilið, bæði upp við húsið að framan og aftan en einnig við lóðarmörk sem snúa í vestur.  Á sérafnotasvæði við lóðarmörk komast 2x 20 feta gámar.  3ja fasa tengill fyrir rafmagn verður á því afnotasvæði, svo hægt sé að stinga gám (eða t.d. hjólhýsi) í samband.  
Girðing, sem ekki sést í gegnum, 1,8 m á hæð verður sett á lóðarmörk sem snúa í vestur.

Nánari lýsing:

• Um er að ræða iðnaðarhúsnæði (ekki geymslubil) með 2 stórum innkeyrsludyrum á sitt hvorri hlið (hægt að keyra í gegnum húsið ef vill) - hurðin götumegin er (HxB) 3,5m*4m og á bakvið 2,9mx3m.
• Inngangshurðar á báðum hliðum (framan og aftan)
• Steypt 46,85m2 milliloft bakatil í húsinu merkt "geymsluloft" með steyptum stiga upp.
• Búið er að bæta við glugga að framanverðu þannig að hægt er að setja milliloft þeim megin líka vill og þá hefur það birtu og flóttaleið.
• Á steypta milliloftinu er gert ráð fyrir lögnum þannig að hægt er að setja þar baðherbergi, eldhús oflr.  
• Á steypta milliloftinu er flóttaleið út þar sem komið er ofan á skýlið fyrir ofan inngangshurðina og þaðan hægt að komast alla leið niður á jörð.
• Rafmagn er utanáliggjandi í hverju rými fyrir sig - þannig að auðvelt er að aðlaga það að notandanum. 
• Á neðri hæð er wc. 
• Skolvaskur er á veggnum undir stiganum. 
• Blöndunartæki eru við stóru hurðina (til að þrífa bíla).
• Gólfhiti er í húsinu á báðum hæðum.
• Lokað verður á milli enda bilsins (106) og Vesturbakka 3 (húsin eru sambyggð) þannig að ekki verður hægt að keyra hringinn í kringum húsið.