Vallartröð 5

Fasteignasalan Hvammur 466 1600

Vallartröð 5 Eyjafjarðarsveit - Skemmtilegt 4 herbergja einbýlishús á einni hæð með bílskúr og geymsluskúr við litla botnlangagötu - stærð 193,8 m² 

Eignin skiptist í forstofu, gang, eldhús, stofu og borstofu, baðherbergi, 3 svefnherbergi, þvottahús, bílskúr og geymsluskúr á lóð.  Einnig er í húsinu svefnloft og geymsluloft innaf.

Forstofa er með flísum á gólfi.
Eldhús er með flísum á gólfi, ljósri spónlagðri viðarinnréttingu með dökkri bekkplötu og flísum á milli skápa. Gaseldavél.  
Stofa og borðstofa eru með flísum á gólfi og þar eru loftin tekin upp og gluggar til þriggja átta. Flísalagður arin er í stofunni og útgangur á pall til suðurs. Stórir gluggar eru á stafni hússins til vesturs. Farið er uppá svefnloft úr stofunni og þaðan inná geymsluloft.
Baðherbergi með flísum á gólfi og veggjum, ljósri innréttingu, upphengdu wc, handklæðaofni og walk-in sturtu. Opnanlegur gluggi er á baðherberginu.
Svefnherbergin eru þrjú, tvö með harð parketi á gólfi og eitt án gólfefna. Í hjónaherberginu er góður hvítur fataskápur.
Þvottahús er með dökkum flísum á gólfi, hvítri innréttingu, salerni og tveimur útgöngum, öðrum út á bílastæði til austurs og hinum út á pall til suðurs.
Bílskúr er skráður 52,4 m² að stærð og er hann með tveimur gönguhurðum og innkeyrsluhurð.  Heitt og kalt vatn er í skúrnum og rafmagn.  Rafknúinn hurðaropnari á innkeyrsluhurð.
Geymsluskúr er á lóð, um15 m² að stærð með steyptu gólfi og niðurfalli, einangraður og í honum er rafmagn. Skúrinn er ekki að fullu kláraður.

Lóðin er snyrtileg.  Framan við húsið er malbikað rúmgott bílaplan og steypt stétt með hita í að aðaldyrum (affallið af húsinu).  Hellulögð verönd er framan við húsið og einnig er hellulögð verönd sunnan við hús auk timburverandar.  Á timburveröndinni er heitur pottur og hitastýring fyrir hann er í bílskúr.

Annað:
- Malbikað bílastæði er fyrir framan bílskúr og með austurhlið bílskúrs og að geymsluskúrnum.
- Húsið málað að utan árið 2016.
- Þakrennur og þakkantur endurnýjað árið 2016.
- Búið er að skipta um gler að hluta.
- Þakpappi endurnýjaður á bílskúr árið 2021
- Ljósleiðari er kominn inn og tengdur.
- Skemmtilega staðsett hús í botnlangagötu í Hrafnagilshverfi.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.