Sóleyjarimi 13

Fasteignasalan TORG kynnir: Virkilega björt og fallega þriggja herbergja endaíbúð á annari hæð við Sóleyjarima í Grafarvogi. Eignin er skráð 143,2 fm og skiptist í tvö svefnherbergi, tvö baðherbergi með sturtu, fataherbergi, sér þvottahús, rúmgott alrými með opnu eldhúsi, stofu og borðstofu, anddyri og geymslu í kjallara. Eignin er með sér smíðuðum innréttingum, gólfhita, sér inngang og þrennum svölum. Allar nánari upplýsingar veitir Darri Örn Hilmarsson, löggiltur fasteignasali, í síma: 767-0000 eða með tölvupósti: darri@fstorg.is

Nánari lýsing:
Gengið er upp upphitaðan stiga að utanverðu og inn um sér inngang. Komið er inn í forstofu með fallegum ljósum flísum á gólfi innbyggðum fataskáp sem nær alveg upp í loft. Inn af forstofunni er rúmgott baðherbergi með "walk in" sturtu, upphengdu salerni, handklæðaofni og ljósri innréttingu með handlaug. Alrýmið er mjög rúmgott en þar er sjónvarpsstofa, borðstofa, setustofa og eldhús. Í eldhúsinu er hvít sérsmíðuð innrétting frá Hegas og steinn á borðum. Inn í innréttingu er bakaraofn, innfelldur ísskápur, nýtt spanhelluborð og gufugleypir. Þvottahúsið er mjög rúmgott með ljósri innréttingu þar sem gert er ráð fyrir þvottavél og þurrkara í vinnuhæð. Stofan er virkilega rúmgóð og rúmar vel sjónvarpsstofu, setustofu, borðstofu. Útgengt er út á svalir til vesturs/suð-vesturs og aðrar svalir til norðurs frá stofu. Hjónaherbergið er með fataherbergi og sér baðherbergi með "walk in sturtu", upphengdu salerni, handklæðaofni og ljósri innréttingu með handlaug. Frá hjónaherbergi er útgengt út á svalir til austurs. Annað rúmgott svefnherbergi er beint á móti hjónaherbergi en þar eru innbyggðir fataskápar sem ná alveg upp í loft. Í eigninni er gólfhiti í öllum rýmum og allar innréttingar eru sérsmíðaðar. Íbúðinni fylgir 7,9 fm sérgeymsla í sameign. Einnig er rúmgóð hjóla- og vagnageymsla í sameign. Alls eru 10 íbúðir í húsinu en fyrir framan húsið eru 20 bílastæði sem tilheyra þessum íbúðum. Búið er að setja upp rafmagnshleðslustöðvar í nokkur stæði. 

Allar nánari upplýsingar veitir Darri Örn Hilmarsson, löggiltur fasteignasali, í síma: 767-0000 eða með tölvupósti: darri@fstorg.is