Holtsvegur 8

Aðalsteinn Jón Bergdal og Trausti fasteignasala kynna vandaða þriggja herbergja 97,5m2 íbúð með fallegu útsýni ásamt góðum suðursvölum á annarri hæð í góðu lyftuhúsi að Holtsvegi 8, Urriðaholti í Garðabæ.  Allar innréttingar eru hannaðar af innanhússhönnuðunum Berglindi Berndsen og Helgu Sigurbjarnadóttur. Herbergi einstaklega rúmgóð og skápapláss mjög gott. Virkilega falleg eign í góðu hverfi.
EIGNIN ER LAUS VIÐ KAUPSAMNING.

Eignin samanstendur af forstofu, stofu með útgengi á suður svalir, eldhúsi ásamt borðstofu, 2 rúmgóðum svefnherbergjum, baðherbergi með tengi fyrir þvottavél og þurrkara. Geymsla, hjóla- og vagnageymsla eru í sameign. 
Íbúðin er 88,1 fm og geymsla 9,4 fm  samtals 97,5 fm að stærð.  Svalir eru 7,4 fm að stærð með fallegu útsýni.

Nánari lýsing:
Forstofa: Er með þreföldum skápum sem ná upp í loft, harðparket á gólfi.
Eldhús: Er rúmgott með stórum glugga, góðu skápaplássi, innbyggðum ísskáp og uppþvottavél ásamt fallegum háfi og eyju með skúffum, bakaraofn er í vinnuhæð. Harðparket á gólfi.
Stofa: Er björt með gólfsíðum gluggum ásamt útgengi út á suður svalir. Harðparket á gólfi.
Hjónaherbergi: Er stórt með fimmföldum fataskápum sem ná upp í loft, harðparket á gólfi. 
Herbergi: Er rúmgott með fjórföldum fataskápum sem ná upp í loft, harðparket á gólfi.
Baðherbergi: Er með skáp undir vaski ásamt spegli með ljósi. Sturtu með gleri og upphengdu salerni. Á baðherbergi eru skúffur þar sem hægt er að setja uppþvottavél og þurrkara ofan á.
Geymsla / hjóla- og vangageymsla eru í sameign. Búið er að setja upp einn hleðslustaur fyrir rafmagnsbíla og annar í bígerð, hiti er í gangstétt.

Húsið er staðsteypt og einangrað að innan með náttúrusalla á 1. hæð. Efri hæðir eru málaðar í ljósum lit, svalir eru klæddar með Íslensku greni og stigahús eru einangruð að utan og klædd litaðri klæðningu. 
Sorpgeymslur eru staðsettar á lóð í opnum sorpskýlum. Gólf er steinsteypt með niðurfalli. Sorpskýli tilheyrir hverju húsnúmeri.
Geymslur eru fyrir hverja íbúð, ásamt inntaks- og tæknirýmum í kjallara í hverju húsnúmeri.
Íbúðir eru upphitaðar með ofnum ásamt öðrum rýmum.
Vélrænt útsog er úr salerni og loftlúga frá eldhúsi. 
Gert er ráð fyrir gagnkvæmu samkomulagi íbúðareigenda, um lokun svala með póstlausu glerjunarkerfi (t.d. Lumon eða samb.I með 90% opnanlegt). Skjólveggir á jarðhæð skulu vera háðir samþykki arkitekts.
Þak er viðsnúið með ásoðnum pappa, steinullareinangrun með vatnshalla, vatnsvarnardúkur, filt og með ávölum steinvölum.
Allir gluggar eru verksmiðjuframleiddir ál-timbur eða álgluggar af viðurkenndum framleiðanda með slitinni kuldabrú. Gler er tvöfalt k-einangrunargler. Hurðir út á svalir eru tré-ál hurðir.

Nánari upplýsingar um eignina veitir Aðalsteinn Jón Bergdal, löggiltur fasteignasali, á netfanginu alli@trausti.is