Eyrarstígur 3

Fáðu nánari upplýsingar og gerðu tilboð á sölusíðu eignarinnar.

Nánari lýsing:

Einbýlishús við Eyrarstíg 3, Reyðarfirði, sem er 125,3 m² að stærð með fjórum svefnherbergjum.

Gengið er inn um flísalagða forstofu, á hægri hönd er stuttur flísalagður gangur með fataskáp og þaðan er gengið inn í fyrsta svefnherbergið með parketi sem hefur lítinn innbyggðan skáp. Inn af ganginum er einnig lítil gestasnyrting með salerni, vaski og innréttingu, flísar á gólfi.

Úr forstofu er gengið inn í parketlagt hol, þaðan er annað svefnherbergið með parketi. Til vinstri af holinu er eldhús með flísum á gólfi með ágætri U-laga innréttingu ásamt borðkróki, stæði fyrir uppþvottavél og ofn í vinnuhæð. Hægra megin við holið er svo stofan sem er björt og rúmgóð með gluggum til suðurs og vesturs, parket á gólfi.

Úr eldhúsi er gengið inn í þvottahúsið með máluðu gólfi og tvær innangengnar geymslur með gluggum, úr þvottahúsinu er útgengi á litla stétt með skjólgirðingu, upplagt til að sitja með kaffibolla í morgunsólinni.

Út frá holi er gengið inn svefnherbergisgang með parketi sem hýsir aðalbaðherbergi hússins sem hefur glugga, baðkar með sturtu og flísum á gólfi og veggjum. Af ganginum er þriðja svefnherbergið með parketi á gólfi og fjórða herbergið er rúmgott hjónaherbergi með innbyggðum fataskáp og parketi á gólfi. Á ganginum er lúga upp á geymsluloft sem nær yfir allt húsið og hefur lítill glugga, ekki er full lofthæð.

Garðurinn er stór, að mestu grasflöt, tré og runnar á jaðrinum og í suðausturhorninu eru rifsberjarunnar, rabarbari og jarðaberjaplöntur. Sérlega veðursælt er vestan megin hússins þar sem ljúft er að njóta kvöldsólarinnar á sumrin. Frábær staðsetning í rólegri botngötu í miðjum bænum og yndislegir nágrannar. Stuttur göngutúr í allar helstu þjónustur og leikvöllur við hlið hússins. Til eru samþykktar teikningar af bílskúr og hluti af innbúi getur fylgt með.

Nánari upplýsingar í síma 454-0000 og á netfangið kaupstadur@kaupstadur.is

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.