Brekkulækur 1

Fasteignasalan Byggð 464-9955

Brekkulækur 1 - 102 

Mjög góð þriggja herbergja íbúð á fyrstu hæð með aukinni lofthæð og sérinngangi í litlu fjölbýli á frábærum stað á Laugarnesi. Eignin er skráð 76,6 fm og skiptist í tvö svefnherbergi, stofu, eldhús, baðherbergi, anddyri og geymslu í kjallara.  

Gengið er inn um sérinngang inn í flísalagða forstofu með skóskáp. Inn af henni er opið og bjart alrými með eldhúsi og stofu. Eldhúsið er með nýlegri og rúmgóðri innréttingu með góðu skápaplássi, keramík helluborði og nýlegri viftu. Opið er inn í bjarta og rúmgóða stofu með stórum glugga, parket er á gólfi. Gangur er fyrir innan með góðum skáp og skrifstofukrók, inn af ganginum er gengið inn í tvö svefnherbergi og baðherbergi. Hjónaherbergið er rúmgott með góðum, nýlegum fataskáp og parket á gólfi. Hitt svefnherbergið er nokkuð rúmgott, einnig parketlagt og með útangi út í bakgarðinn. Baðherbergið er með flísalegt gólf og nýlegri innréttingu og nýlegum sturtuklefa. Tengi er fyrir þvottavél inni á baðherbergi. Stæði er fyrir þvottavél í sameiginlegu rými í kjallara, þar er einnig sameiginlegt þurrkrými ásamt hjóla- og vagngeymslu. Sérgeymsla er í kjallara sem er 8fm að stærð með góðum hillum.
Stutt er í alla helstu þjónustu, svo sem kjörbúð, sund, líkamsrækt og leik- og grunnskóla.

Íbúðin hefur verið mikið endurnýjuð. Parket og eldhúsinnrétting síðan ágúst 2015. Nýr sturtuklefi var settur inn á baðherbergi í maí 2021 og skápur á baði í maí 2022. Nýr skápur settur í hjónaherbergi í september 2022. Hugsað hefur verið vel um húsið, 2009 var þakið endurnýjað, árið 2011 var skólpið myndað og leit allt vel út, árin 2019 og 2020 var allt húsið tekið í gegn að utan. Þ.e.a.s. múrað, málað og skipt um klæðningu á því, gluggar, handrið og grindverk lagað og málað. Einnig var nýtt steinhandrið sett að framan á 2. hæð hússins. Lóðin er í óskiptri sameign en þar eru nokkur steypt bílastæði, einnig eru bílastæði á götu fyrir framan íbúð. 


Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila.    (0.4% við fyrstu kaup einstaklinga m.v. að lágmarki 50% eignarhlut).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar -almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna).
4. Umsýsluþóknun til fasteignasölu, sbr.kauptilboð. 


Frekari upplýsingar:
bjorn@byggd.is
greta@byggd.is
berglind@byggd.is
olafur@byggd.is

Skipagötu 16 á 2. hæð.
S:464 9955