Naustavör 10

NÝTT Á SKRÁ: Naustavör 10 / Stór sólpallur í suður / Gott skipulag / Stæði í bílageymslu / 101,1 fm.

Lind fasteignasala / Rútur Örn Birgisson lögg. fasteignasali kynnir til sölu: Afar falleg 90,3 fermetra þriggja herbergja íbúð á jarðhæð með stæði í bílakjallara í góðu fjölbýli við Naustavör 10 í Kópavogi. Tvö svefnherbergi og rúmgott alrými. Gluggar í suður, vestur og norður. Útgengi er úr stofu út á rúmgóðan og skjólsælan pall til suðurs og suðvesturs með fallegu útsýni. Gott þvottahús innan íbúðar. Íbúðinni fylgir geymsla sem er 10,8 fermetrar, og þar að auki eru tvær sameiginlegar hjóla- og vagnageymslur með útgengi beint út á göngustíg. 

Um er að ræða eftirsótta staðsetningu á Kársnesinu í Kópavogi. Leikskóli, grunnskóli og sundlaug/útivistarsvæði í göngufjarlægð. Verslun og þjónusta er í næsta nágrenni ásamt frábærum hjóla- og gönguleiðum. 

Nánari lýsing:
Forstofa: Er rúmgóð og með flísum á gólfi. Stórir fataskápar sem ná upp í loft. 
Stofa: Er rúmgóð, með harðparketi á gólfi og gluggum til suðurs, vesturs og norðurs. Opin við eldhús. Útgengi á stóran og skjólsælan sólpall.
Eldhús: Með harðparketi á gólfi og fallegri eldhúsinnréttingu frá Brúnás, bakaraofn í vinnuhæð, spanhelluborð, háfur og innbyggð uppþvottavél. 
Baðherbergi: Flísalagt í hólf og gólf. Handklæðaofn við sturtu. Vönduð innrétting frá Brúnás við vask og skápar með góðu geymsluplássi. 
Þvottahús: Með flísum á gólfi. Tengi fyrir þvottavél og þurrkara. Skolvaskur og innrétting frá Brúnás. Gengið er inn í þvottahús frá forstofu.
Hjónaherbergi: Er stórt með harðparketi á gólfi, rúmgóðum skápum og glugga til suðurs.
Svefnherbergi II: Með harðparketi á gólfi, skápum og glugga til suðurs.

Geymsla: Er staðsett nálægt íbúð og er 10,8 fermetrar að stærð.
Hjóla- og vagnageymslur: Rúmgóðar með beinu útgengi frá sameign, annars vegar beint út á hjólastíg eða út um aðalinngang Naustavarar 10-12 á suðurhlið.

Húsið er að mestu bárujárnsklætt og lítur vel út. Húsið var reist árið 2015 af BYGG.

Allar nánari upplýsingar veitir Rútur Örn Birgisson lögg. fasteignasali í síma 869-1031 eða á netfanginu rutur@fastlind.is