Þingvallastræti 33

Þingvallastræti 33 - 4-5 herbergja einbýlishús á einni hæð með bílskúr á Brekkunni á Akureyri. Heildarstærð eignarinnar er 157,3 m² en þar af er bílskúrinn skráður 43,8 m².

Eignin skiptist í forstofu, gang, þrjú svefnherbergi, baðherbergi, stofu og borðstofu í opnu rými, eldhús, þvottahús og geymslu.

Nánari lýsing:
Forstofa er með flísum á gólfi. Úr forstofu er opið inn á gang með parketi. 
Svefnherbergin eru þrjú og er parket á öllum gólfum. Spónlagðir fataskápar eru í tveimur herbergjum. 
Baðherbergi er með flísum á gólfi og hluta veggja. Snyrtileg hvít innrétting, sturtuklefi og handklæðaofn. Opnanlegur gluggi er á baðherbergi. 
Stofa og borðstofa eru saman í opnu rými, sem áður voru tvö aðskilin rými. Rúmgóð og björt stofa með parketi á gólfi. Úr stofu er hurð út á góða timburverönd sem snýr til suðurs og þaðan út í garð. 
Eldhús var endurnýjað árið 2023. Þar er sérsmíðuð ljós innrétting. Bakaraofn er í vinnuhæð og stæði er fyrir uppþvottavél og ísskáp í innréttingu. Harðparket á gólfi og góður borðkrókur. 
Í þvottahúsinu er nýleg sérsmíðuð innrétting með góðu skápa- og bekkjarplássi. Gólfið er málað með mottu. Þvottahúsið nýtist sem annar inngangur því þar er hurð út á malbikað bílaplan vestan við húsið. 
Geymsla er inn af þvottahúsinu. Þar er gömul innrétting, hillur og opnanlegur gluggi. 
Bílskúr var byggður árið 2006 og er skráður 43,8 m² að stærð. Flísar á gólfi, rafdrifin innkeyrsluhurð og tvær inngönguhurðir, önnur að framanverðu og hin að vestan sem leiðir inn í garðinn. 

Annað:
- Frábær staðsetning. Stutt niður í miðbæ, í Sundlaug Akureyrar og í grunn- og framhaldsskóla.
- Eldhús- og þvottahúsinnrétting voru endurnýjaðar 2023
- Fataskápar, innihurðar og flest gólfefni eru frá um 2000
- Malbikað bílaplan austan og vestan við hús. Hitalagnir eru í hluta, lokað kerfi er fyrir framan bílskúr. 
- Ljósleiðari
- Húsið er sigið og áberandi gólfhalli.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.