Strandgata 30

Strandgata 30a á Eskifirði eða Dahlshús var reist árið 1880 af norska síldarútgerðarmanninum Johan Dahl.  Húsið er norskt „katalóg“ hús og er líklegt að það sé mun eldra þar sem það hefur líklega staðið í Noregi áður en það var flutt til Eskifjarðar.  Árin 2011 – 2013 var húsið gert upp í fullu samráði við Minjastofnun og samkvæmt þeirra teikningum og er mikill sómi af húsinu í dag þar sem það stendur við aðalgötu bæjarins. 
 
Síðan 2013 hefur húsið hýst myndlistarsýningar, veislur af ýmsum toga, jóganámskeið og aðra viðburði.  Húsið hefur mikla möguleika bæði fyrir atvinnurekstur af einhverju tagi en einnig er mögulegt að innrétta það sem íbúðarhúsnæði.

Kaupandi hefur möguleika á að flytja húsið á lóð í útbæ Eskifjarðar (innan um hús í samskonar/svipuðum stíl) en það er val en ekki kvöð.