Miðleiti 1

Fasteignasalan TORG kynnir: Falleg og björt 3ja herbergja mikið endurnýjuð íbúð á jarðhæð með sérgarði og stæði í lokaðri bílageymslu. Íbúðin er í vönduðu fjölbýlishús með lyftu, vel staðsett í borginni. Gengið er inn í sameiginlegt anddyri beint af bílastæðinu fyrir framan húsið og er íbúðin þar á sömu hæð. Parket er á gólfum, stofan er mjög rúmgóð og stórt þvottaherbergi er innan íbúðar með góðri innréttingu. Íbúðin er skráð 101,7 fm, auk þess er stæðið í bílageymslu skráð 24,9 fm samkvæmt Þjóðskrá. Allar nánari upplýsingar veitir Þorlákur Ómar Einarsson lögg.fasteignasali í síma 820-2399 eða netfang thorlakur@fstorg.is
Nánari lýsing:
Komið er inn í anddyri hvíttuðu eikarparketi á gólfi og nýjum fataskáp.  
Eldhúsið er rúmgott með viðar innréttingu á tvo veggi með efri og neðri skápum. Flísar eru á veggjum milli skápanna. Hvíttað eikarparket er á gólfi. Góður eldhúsborðkrókur er í rýminu sem hægt er að nýta einnig sem  borðstofu. Opið er að hluta milli eldhúss og stofu/borðstofu. Á móti eldhúsinu innaf forstofuganginum er auka geymsla/búr sem nýtt er í dag sem auka fataherbergi/útifatageymsla. Góðar hillur og skápar eru á veggjum og korkflísar á gólfi.
Stofan er með hvíttuðu eikarparketi á gólfi og útgengi á suð-vestur verönd með skjólveggjum. Stofan er einkar rúmgóð með rými fyrir bæði setustofu og sjónvarpshol.
Barnaherbergi er gott með hvíttuðu eikarparketi á gólfi. Tvöfaldur nýr fataskápur. Baðherbergið er með  eikar innréttingu undir stórum hvítum vaski. Ljósar flísar eru á gólfi og á veggjum. Baðkar er með sturtuaðstöðu.
Hjónaherbergi er gott með hvíttuðu eikarparketi á gólfi og nýjum fjórföldum fataskáp. Rúmgott þvottaherbergi er innan íbúðar, með góðri innréttingu, gott skápapláss og vinnuborði. Korkur er á gólfi. Nýjar hurðir eru í íbúðinni.
Í sameign er stór geymsla með hillum. Íbúðinni fylgir stæði í lokaðri bílageymslu (endastæði við innkeyrsluhurð). Innan bílageymslunar eru góðar stálhillur fyrir íbúa hússins til að geyma dekk.
Innifalið í hússjóði  eru þrif á sameign, ruslahirða, umhirða á garði o.fl.
Þorlákur Ómar Einarsson lögg.fasteignasali í síma 820-2399 eða netfang thorlakur@fstorg.is