Tunguhella 9G

Höfði fasteignasala kynnir til sölu glæsilegt og einstaklega vel hannað atvinnubil við Tunguhellu 9G, 221 Hafnarfirði, á eftirsóttu atvinnusvæði í Hafnarfirði.Um er að ræða 152,8 fm iðnaðarhúsnæði sem skiptist í 108,3 fm neðri hæð og 44,5 fm efri hæð með steyptri plötu og svölum. Bilið verður afhent fullbúið á byggingarstigi 7. Einstök hönnun með gegnumakstri.

Einn helsti kostur eignarinnar er að hún er með innkeyrsluhurð í báðum endum, sem gerir kleift að keyra í gegnum bilið og auðveldar alla vörumóttöku, lagerhald og umferð stærri tækja og ökutækja. Innkeyrsluhurðirnar eru báðar 3,0 metrar á breidd, önnur 3,7 metra há og hin 3,1 metra há, báðar með rafmagnsopnun.

Vandaður frágangur: Epoxýhúðað gólf á neðri hæð - Steypt plata á efri hæð - Svalir ásamt stórum gluggum sem tryggja gott birtuflæði - Álgluggar og álinngangshurð - Gólfhiti á neðri hæð - 
Lagnir fyrir ofna á efri hæð - Burðarvirki úr stáli - Þak með stálsperrum og þakklæðning ileiningar.  - 15cm. einangraðar samlokueiningar í útveggjum - Staðsteyptar undirstöður og botnplata.

Byggingin: Tunguhella 9 er vandað stálgrindarhús sem samanstendur af níu atvinnubilum á stærðarbilinu 152,8–179,0 fm. Húsið er hannað með þarfir nútíma atvinnurekstrar í huga og hentar afar vel fyrir lagerrekstur, léttan iðnað, verkstæði, þjónustufyrirtæki og netverslanir. Á lóðinni eru 28 bílastæði og sameiginleg olíuskilja fyrir svæðið. Einnig er gert ráð fyrir möguleika á uppsetningu rafhleðslustöðva.

Virðisaukaskattskvöð hvílir á eigninni og yfirtekur kaupandi hana við kaupin. Kaupandi greiðir skipulagsgjald þegar það verður lagt á, sem nemur 0,3% af endanlegu brunabótamati.

Spennandi tækifæri til að eignast nútímalegt og vel hannað atvinnuhúsnæði þar sem áhersla er lögð á sveigjanleika, vandaðan frágang og hagkvæma nýtingu rýmis.

Frekari upplýsingar veita: Kristinn Tómasson Viðskiptafr. MBA, lögg. fasteignasali, Gsm. 820-6797, kristinn@hofdi.is og Ásmundur Skeggjason lögg. fasteignasali as@hofdi.is, Gsm 895-3000.