Básbryggja 7

Guðbjörg Helga og Gylfi Jens hjá RE/MAX kynna: Básbryggja 7, 110 Reykjavík með sérinngangi frá verönd. 
Sjarmerandi rúmgóð 2-3ja herbergja íbúð á jarðhæð í Bryggjuhverfinu með afgirti verönd með nútíma útiflísum. Tveir inngangar eru í íbúðina, um sameiginlegt stigahús en jafnframt um svaladyr á verönd, en hlið er á enda skjólgirðingar og er þessi inngangur aðalinngangur núverandi eigenda. Eignin er 75,5 fm og eru allir fermetrar innan íbúðarinnar. Íbúðin er horníbúð í húsinu sem er næst Gullinbrú, svo það er rúmt um húsið og ekkert hús gengt þessu. Sameiginlegur skjólgóður garður er með öllum húsunum sem mynda hring utan um hann. Tilvalin fyrstu kaup.

Núverandi skipulag: Rúmgott svefnherbergi, geymsla/herbergifataherbergi, baðherbergi með baðkari og sturtuklefa, stofa/borðstofa og eldhús. Inn af eldhúsi er sér þvottahús.Aflokuð verönd.

Nánari lýsing: 
Nýlegt harðparket var sett á öll rými utan baðherbergis og þvottahús. 
Forstofa/gangur: Innbyggður tvöfaldur mahogany skápur fyrir yfirhafnir.
Herbergi er mjög rúmgott með stórum glugga. Nýlegur fataskápur eftir einum vegg. 
Geymsla/herbergi II:  Rúmgott gluggalaust herbergi eða geymsla, er skráð sem geymsla skv. samþykktri teikningu því það er gluggalaust. Var áður nýtt sem fataherbergi en er afþreyingarrými núverandi eigenda. 
Baðherbergi er flísalagt, með skápum undir handlaug, baðkari og sturtuklefa. Gólffest salerni. 
Stofa/borðstofa eru í opnu rými, en þaðan er útgengt á sérafnotaflöt, verönd með skjólgirðingum og hliði, sem leyfi fékkst fyrir að láta ná að lóðarmörkum. Veglegar útiflísar á verönd. Veröndin er horn verönd og snýr til austurs og suðurs.
Eldhús; Opið við stofu/borðstofu með opnanlegum glugga. Framhliðar á innréttingu eru filmaðar hvítar. Fallegar mósaíkflísar eru milli efri og neðri skápa.
Sérþvottahús: Innangengt úr eldhúsinu. Það er í dag nýtt sem þvottahús og geymsla.

     >>SÆKTU SJÁLFVIRKT SÖLUYFIRLIT <<
    
     >>SKOÐAÐU EIGNINA BETUR Í ÞRÍVÍDD <<

Bryggjuhverfið er veðursælt hverfi með tengingu við vinsælar göngu-og hjólaleiðir. Stutt er niður að sjó og er Elliðárdalurinn nálægt, Geirsnefið. Búið er að hanna Leikskóla og grunnskóla sem verða samnýttir með nýja Vogahverfinu með brúartengingu milli hverfa. Verslanir ofan við hverfið á Höfðanum, s.s. Krónan, bakarí og Mathöll Höfða. Stutt ganga er út á Gullinbrú í almenningssamgöngur þar. 

Samkvæmt teikningu gæti verið mögulegt að færa eldhúsið í stofuna og nota núverandi eldhúsrými sem annað svefnherbergi með glugga.

Allar nánari upplýsingar veita:
Guðbjörg Helga, löggiltur fasteignasali og viðskiptafræðingur s. 897 7712, gudbjorg@remax.is
Gylfi Jens, löggitlur fasteignasali og lögmaður s. 864 4455, gylfi@remax.is