Suðursalir 1

Ástþór Reynir og Guðmundur Þór Júlíusson löggiltir fasteignasalar hjá RE/MAX fasteignasölu kynna í einkasölu: Virkilega fallegt og vel skipulagt parhús á vinsælum stað í Salarhverfinu í Kópavogi.
Eignin telur alls 297,6 fm þar af er bílskúrinn41,3 fm.

Vel staðsett parhús í salahverfinu ásamt innbyggðum bílskúr. Frábært útsýni og góð lofthæð. Eignin skiptist í: forstofu, fjögur svefnherbergi (hægt að bæta við einu) stofu, eldhús, búr, sjónvarpshol, tvö baðherbergi, hobbýherbergi, þvottahús, geymslu og bílskúr. Mjög eftirsótt staðsetning þar sem grunnskólinn, sundlaug, þjónusta, golfvöllur og falleg náttúra er í göngufæri.   
Nánari lýsing:
komið er inn í rúmgóða forstofu með flísum á gólfi og tvöföldum fataskáp með rennihurðum. Við hlið forstofu er mjög gott svefnherbergi með parketi á gólfi. Bílskúr: innangengt er í rúmgóðan bílskúr frá forstofu með góðri lofthæð, extra breiðri bílskúrshurð, glugga, vaski og hillum.
Frá forstofu er gengið upp nokkrar tröppur á pall, þar eru rúmgóð svefnherbergi með parketi á gólfum. Útgengt er út í garð með timburverönd frá holinu. Þrjú svefnherbergi, öll með parketi á gólfi og fataskápum í barnaherbergjum og innaf hjónaherbergi er fataherbergi með innréttingu og góðri lofthæð.
Rúmgóð stofa og borðstofa með góðri lofthæð, fallegri loftaklæðningu og parketi á gólfi, frábært útsýni og útgengt út á stórar suður svalir. Samliggjandi stofunum er eldhús með nýrri eldhúsinnréttingu frá Formus, steinn á borðum. 
Frá forstofu er gengið niður á jarðhæð, þar er mjög stórt hobbýberbergi ca 50fm. með parketi á gólfi. Baðherbergi með sturtu, flísum á gólfi. Mjög rúmgott þvottahús með vaski, vinnuborði, efri skápum.
Garður og aðkoma: fallegur afgirtur garður er við húsið með bæði hellulagðri verönd og timburveröndum. Bílaplan er hellulagt með hitaílögnum.