Nátthagi 20 - íb. 201

Fasteignasala Sauðárkróks býður til sölu íbúð á annarri hæð til hægri í fasteigninni við Nátthaga 20, merkt 201, á Hólum í Hjaltadal í Skagafirði ásamt tilheyrandi hlutdeild í sameign og lóðarleiguréttindum.
Vel skipulögð fjögurra til fimm herbergja íbúð með sérinngangi alls 97,6 fm. Húsið var byggt árið 2006.
Leigulóð hússins er sameiginleg og alls 1795,6 fm. 

Íbúðin skiptist nú í þrjú til fjögur herbergi, stofu og eldhús í sama rými, baðherbergi, þvottahús og forstofu.
Sérinngangur er í íbúðina. Forstofa er dúklögð og þar við er þvottahús.
Í þvottahúsi er innrétting við vask og gott hillupláss. Gluggi með opnanlegu fagi.
Stofa og eldhús er í sama rými og dúklagt. Í eldhúsi er viðarinnrétting með grárri borðplötu. Siemens eldavél. Svalir eru á norðurhlið hússins og er gengið til þeirra frá eldhúsi.
Herbergi eru öll dúklögð og þrjú þeirra eru með skápum. Herbergi sem er skráð á teikningum sem geymsla er hægt að nýta sem herbergi.
Baðherbergi er dúklagt, þar sem er sturta og hvít tæki.
Inntak fyrir þvottavél er bæði í þvottahúsi og á baðherbergi.

Fasteignin afhendist í núverandi ástandi.

Hólar er byggðakjarni staðsettur í Hjaltadal í Skagafirði. Hólar eru einn sögufrægasti staður Íslands og biskupssetur um aldir. Á Hólum er leikskóli og Háskólinn á Hólum. Hólaskóli sérhæfir sig í ferðamálafræðum, hrossarækt og reiðmennsku, auk fiskeldis og fiskalíffræði. Fjölbreyttar gönguleiðir eru á Hólum og í nágrenni.
Frá Hólum er stutt á Hofsós og Sauðárkrók.

Nánari upplýsingar er að fá hjá Fasteignasölu Sauðárkróks í síma 453 5900 eða á netfangið fasteignir@krokurinn.is
Sunna Björk Atladóttir lögmaður og löggiltur fasteignasali
Eva Dögg Bergþórsdóttir löggiltur fasteignasali
Ella Magga aðstoðarmaður fasteignasala