Höfðavegur 13

Medial ehf. og Jóna Benný Kristjánsdóttir lögmaður og löggiltur fasteignasali kynna til sölu eignina Höfðaveg 13, 780 Höfn í Hornafirði, nánar tiltekið þriggja herbergja sérhæð á miðhæð í þríbýli, fastanúmer 218-0924 ásamt öllu því sem eigninni fylgir og fylgja ber, þar með talin tilheyrandi lóðar- og sameignarréttindi. Eignin Höfðavegur 13 er skráð sem hér segir hjá FMR: Eign 218-0924, 60,6 m2 að stærð og samtals er eignin 72,2 m2 að stærð með sameign skv. fasteignamati ríkisins. 

Gengið er upp snyrtilegan viðarstiga að húsinu. Gengið er inn í húsið um sameiginlegan inngang miðhæðar og rishæðar. Þar tekur við gangur og stigagangur upp í risíbúð. Stór skápur er á gangi og steinteppi er á gólfum. Út frá gangi er lítil geymsla sem þessar tvær íbúðir deila.
 
Íbúðin er einkar notaleg og vel skipulögð.
Eldhús er með ljósri innréttingu og hvítri borðplötu. Stálvaskur, ný eldavél og einnig er pláss fyrir uppþvottavél. Gott skápa- og bekkjapláss og eldhússborð rúmast vel í eldhúsi. Parket á gólfi.
Baðherbergið var allt tekið í gegn árið 2020. Hár hvítur skápur, hvítur vaskaskápur og yfir vaski er einnig grunnur speglaskápur. Upphengt salerni. Sturtuhorn með glerprófíl frá Íspan. Vönduð blöndunartæki og handklæðaofn. Parketflísar á gólfi og ljósar flísar á veggjum. Hiti í gólfi. Skipt var um glugga á baðherbergi á sama tíma og baðherbergi var tekið í gegn.
Stofa er með parketi á gólfi. Fallegt útsýni er úr stofugluggum í suðvestur og vestur. 
Tvö svefnherbergi, bæði með fataskápum. Parket á gólfum. 
Þvottahús er staðsett á jarðhæð hússins og er sameiginlegt með hinum tveimur íbúðum hússins. Hlutdeild íbúðar í þvottahúsi telst vera 1/3.
Sameign á miðhæð skiptist milli miðhæðar og risíbúðar. Stigahús í kjallara er einnig sameign þessarar tveggja íbúða. Íbúðin sjálf er 60,6 m2 og samtals 72,2 m2 með sameign skv. fasteignamati ríkisins eða 36,2% af allri fasteigninni skv. eignaskiptayfirlýsingu. Hlutfallsleg leigulóðarréttindi fylgja íbúðinni.
Ómerkt bílastæði fylgja húsinu, bæði sunnan og austan megin við húsið. Húsið var klætt að utan árið 2019-2020. 
Húsið var klætt að utan árið 2019-2020. 

Allar nánari upplýsingar um eignina veitir Jóna Benný Kristjánsdóttir lögmaður og löggiltur fasteignasali í síma 4771222 og á netfanginu jona@medial.is

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Medial beinir þess vegna þeim tilmælum til kaupenda að skoða eign vel áður en kauptilboð er gert og jafnframt að fá þar til bæra sérfræðinga til að ástandsskoða eignir. 

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á heimasíðum lánastofnana.
4. Umsýslugjald til fasteignasölu skv. kauptilboði.