Hólagata 44

Hólagata 44, hæð og ris auk bílskúrs

Um er að ræða steinsteypt hús á þremur hæðum byggt árið 1955 auk bílskúrs frá árinu 1968, efri hæð og ris og bílskúrinn eru í heild skv. Þjóðskrá Íslands 146,1 fm og skiptist svo:

Aðalhæð (skv. Þjóðskrá Íslands 88,7 fm): 
Anddyri með teppi, uppgangur í ris (steyptur stigi, nýlegt teppi á stiga).
Hol með parketi
Eldhús með kork-flísum á gólfi, hvít eldri innrétting
Stofa með parketi, viðarrimlar á einum vegg
Baðherbergi allt endurnýjað árið 2021 með flísum í hólf og gólfi, walk in sturta, góð innrétting fyrir þvottavél og þurrkara, handklæðaofn, upphengt wc.
Herbergi (1) með nýju parketi og nýjum ofni.
Herbergi (2) með nýju parketi og nýjum ofni, fataskápur

Ris (skv. Þjóðskrá Íslands 32 fm, gólfflötur er meiri c.a. 50 fm): 
Hol með parketi,
þrjú herbergi (3, 4 og 5) með nýju parketi.
Risið var allt endurnýjað árið 2019, ný einangrun og klæðning að innan, nýtt parket, rafmagn yfirfarið, nýir ofna og nýjar lagnir í þá í risi.

Á jarðhæð er rými að vestanverðu með sér inngangi og þar er lagnarými, nýr varmaskiptir (sameign með neðri hæð), rafmagnstafla (endurnýjuð árið 2022) en rafmagn er aðskilið og þvottaaðstoða nýtt af neðri hæð.  Mögulegt er að kaupa sér íbúð í kjallara en hún er skráð 83,3 fm, tvö svefnherbergi, stofa, eldhús og baðherbergi.

Bílskúr (skv. Þjóðskrá Íslands 25,4 fm), steyptur grunnur (c.a. 60 cm hár) og af steinplötum, er með rafmagni og búið að leggja vatnslagnir en ekki tengja, bílskúrshurð með sjálfvirkum opnara.  Steypt innkeyrsla að bílskúr og framan við húsið.

Eignin er einangruð að utan og klædd með Ispo.  Alocink á þaki, seljandi mun klára frágang á kvistum.