Vættaborgir 72

BYR fasteignasala kynnir VÆTTABORGIR 72, Reykjavik í einkasölu. Rúmgott sjö herbergja parhús á tveimur hæðum með innbyggðum bílskúr á vinsælum stað í Grafarvogi, útsýni að Esjunni.  
Verönd er beggja megin við húsið, snyrtilegur garður. Stutt í alla almenna þjónustu s.s. skóla.  Ýtið hér fyrir staðsetningu. 
Raðhúsið er steypt, byggt árið 1998. Eignin skiptist í parhús 181,7 m² og bílskúr 30,5 m², samtals 212,2 m² að stærð samkvæmt skráningu HMS.
Skipulag eignar: Anddyri, alrými með eldhúsi, stofu og borðstofu, tvö baðherbergi, fjögur svefnherbergi, sjónvarpsherbergi/hol, þvottahús og bílskúr.

Efri hæð: 
Anddyri með flísum á gólfi, fatahengi og fataskáp. Innangengt er úr anddyri í bílskúr.
Alrými með stofu, borðstofu og eldhúsi, útgengt er úr alrými á rúmgóða timburverönd til suðurs með skjólveggjum. Upptekið loft er í alrými með innbyggðri halogen lýsingu. 
Eldhús með flísum á gólfi, rúmgóðri innréttingu, eyja, granít borðplötur, háfur, nýlegur AEG ofn og nýlegt AEG spansuðuhelluborð. Electrolux uppþvottavél, Electrolux ísskápur getur mögulega fylgt.  
Rúmgóð borðstofa og stofa, með gegnheilu parketi á gólfi, upptekið loft, gott útsýni meðal annars að Esjunni. 
Baðherbergi, flísalagt í hólf og gólf, vaskinnrétting, baðkar, vegghengt salerni og handklæðaofn. 
Parketlagður stigi liggur niður á neðri hæð hússins, inbyggð lýsing er í stiga.
Bílskúr, málað gólf, innangengt er úr anddyri í bílskúr, millilloft er í bílskúr, heitt og kalt vatn.

Neðri hæð:
Sjónvarpsherbergi/hol er neðan við stiga, flísar á gólfi, þaðan er útgengt út á timburverönd í bakgarði. 
Fjögur rúmgóð svefnherbergi eru á neðri hæð.
Hjónaherbergi með fataherbergi inn af, harðparket á gólfi. Útgengt er úr hjónaherbergi út á timburverönd í bakgarði.
Þrjú barnaherbergi, öll með fataskáp. Útgengt er úr einu barnaherberginu út í garð. 
Baðherbergi með þvottaaðstöðu, vélræn loftun. Flísar á gólfi og á veggjum að hluta. Vaskinnrétting, salerni, sturta og handklæðaofn.
Þvottahúss innrétting með hækkun fyrir tvær vélar í vinnuhæð. 

Húsið er staðsteypt parhús á tveimur hæðum. Bílaplan er hellulagt með snjóbræðslukerfi. Rúmgóður og snyrtilegur garður. Framan við húsið er timburverönd til suðurs, matjurtarbeð er á verönd. Aftan við húsið er timburverönd.
Sorptunnuskýli fyrir tvær tunnur.