Grettisgata 96

Betri Stofan Fasteignasala kynnir fallega, bjarta og vel skipulagða 131,5fm, 5 herbergja íbúð á 1. hæð með svalir til suðurs ásamt útleiguherbergi í risi á við Grettisgötu 96, 105 Reykjavík. 4 íbúðir eru í stigaganginum, ein á hverjum palli. Eignin skiptist í forstofu, 3 rúmgóð svefnherbergi (Möguleiki á að bæta því 4 við með þvi að flytja eldhús í aðra stofuna), baðherbergi, gestasalerni, sérgeymsla í kjallara ásamt risherbergi með aðgengi að sameiginlegu eldhúsi og salerni sem getur nýst sem útleigueining. Húsið hefur fengið gott viðhald á síðustu árum. Árið 2021-2022 var húsið múrviðgert ásamt því að járn á þaki var endurnýjað og gluggar endurnýjaðir eftir þörfum. Nýlegur myndavéladyrasími. Eign sem býður upp á fjölbreytta nýtingarmöguleika.

SMELLIÐ HÉR TIL AÐ SJÁ VIDEÓ AF EIGNINNI

Fasteignmat fyrir árið 2026 skv. HMS er kr. 99.500.000kr. 

Framkvæmdir utanhúss árið 2022
- Gler og gluggar í stofu og forstofuherbergi voru endurnýjaðir. 
- Gler og gluggar í eldhúsi, borðstofu, svefnherbergjum I og II voru yfirfarnir og málaðir að utan. 
- Gluggi í geymslu í risi endurnýjaður (velux).
- Þak yfirfarið skipt um þakjárn og pappa. 
- Húsið múrviðgert að utan. 
- Útihurðir yfirfarnar og málaðar. 
- Þakrennur endurnýjaðar.
2019
- Skólplagnir í sameign, gangi og þvottahúsi voru endurnýjaðar. (Skv. söluyfirliti fyrri eiganda).

Frábær staðsetning í miðbæ Reykjavíkur með skóla á öllum stigum í nágrenninu ásamt fjölbreyttri verslun og þjónustu sem miðbær Reykjavíkur hefur upp á að bjóða. Mikil uppbygging hefur átt sér stað á síðustu misserin á austari hluta miðbæjarins. Þar ber hæst að nefna Hlemm mathöll og Hlemmtorg sem er langt komið. Þá er stutt gönguferð í Sundhöllina, útivistarparadísina á Klambratúni og menningarsetrið Kjarvalstaði þar sem hægt er að njóta fjölbreyttra listasýninga ásamt því að setjast niður á Klambrar Bistrø sem býður upp á matseðil sem er innblásinn af skandinavískri matarhefð, fjölbreyttu úrvali af kruðeríi og hágæða kaffi. 

Nánari lýsing:  
Anddyri: Viðarparket á gólfi. Gengið í eitt herbergjana úr anddyri, gestasalerni og inn á gang.
Svefnherbergi I: Innaf anddyri. Rúmgott með fataskáp. Möguleiki á að nýta sem útleiguherbergi með aðgengi að salerni. 
Gestasalerni: Nýlegur vaskur og blöndunartæki, skápar m/speglahurð, og salerni.
Eldhús: Rúmgott eldhús með fallegri og vel viðhaldinni upprunalegri eldhúsinnréttingu og nýlegri borðplötu. Efri og neðri skápar með innbyggðum nýlegum Husqvarna blástursofni, spanhelluborði og innbyggðri uppþvottavél frá Siemens. Flísar á milli skápa nýlega endurnýjaðar á smekklegan hátt. Möguleiki er að færa eldhús inn í aðra stofuna og hefur það verið framkvæmt í hluta af íbúðum í húsalengjunni.
Hol/gangur: Tengir saman flest rými íbúðar. 
Stofa: Rúmgóð, falleg og björt stofa. Samliggjandi og opin við borðstofu.
Borðstofa: Rúmgóð og björt borðstofa. Opin og samliggjandi við stofu. Útgengt úr borðstofu út á svalir til suðurs. Möguleiki á að færa eldhús í borðstofu. 
Baðherbergi: Flísalagt í hólf og gólf. Nýlegt baðkar og blöndunartæki. Baðinnrétting með neðri skáp, nýlegum vaski ásamt speglaskáp fyrir ofan vask.
Svefnherbergi II: Gott barnaherbergi. 
Svefnherbergi III: Rúmgott með fataskáp.
Geymsla / Herbergi í Risi: Herbergi sem notað er í útleigu í dag. Með aðgang að klósetti og litlu eldhúsi. er 7,5fm, skráð 15,5fm skv. fasteignaskráningu.

Sérgeymsla: Lítil geymsla er á jarðhæð (undir stiga)  
Sameign: Sameiginlegt þvottahús er á jarðhæð.  
 
Útgengt er í fallegan og gróinn tyrfðan garð til suðurs frá jarðhæð hússins.

Falleg eign í vel viðhöldnu húsi í miðborginni með auka herbergi í risi sem getur ma. nýst til útleigu. Frábær staðsetning í miðborginni þar sem mikil uppbygging hefur og á sér stað undanfarin misseri. Menningin blómstrar í miðborginni og það að búa í göngufæri við fjölbreytta flóru kaffi- og veitingahúsa, leikhúsa, kvikmyndahús og tónlistarhúsa ásamt fjölbreyttir flóru verslunar og þjónustu býður upp á einstaka möguleika og lífsgæði. Þá er stutt í falleg útivistarsvæði og skóla á öllum stigum.

Fyrir frekari upplýsingar hafið samband við Hreiðar Levý, lögg. fasteignasala í síma 661-6021, hreidar@betristofan.is - Telmu Rut Frímannsdóttur í síma 772-555, telma@betristofan.is - Þórhalli Biering í síma 896-8232, thorhallur@betristofan.is