Norðurstígur 5

Trausti fasteignasala, Hallgrímur Hólmsteinsson löggiltur fasteignasali kynnir: Björt og falleg 3-4ja herbergja efri hæð og ris með miklum karakter í fallegu tvíbýlishúsi á eftirsóttum stað í gamla vesturbænum í Reykjavík, steinsnar frá gömlu höfninni. Norðurstígur er róleg vistgata en þaðan er gengið inn í fallegt hellulagt port sem var tekið í gegn árið 2020, stemmingin í portinu er eins og þorp í borg og veitir íbúum mikið næði. Íbúðin hefur mikinn sjarma en haldið hefur verið í gamla stílinn þar sem upprunalegar gólffjalir fá að njóta sín sem og pottofnar og á tveim stöðum sést í fallega múrsteinshleðslu hússins, fallegir loftlistar og rósettur prýða loftin. Í íbúðinni eru tvær stofur, rúmgott eldhús/borðstofa og þrjú til fjögur svefnherbergi eru í risinu, ásamt tveim baðherbergjum.
Sjón er sögu ríkari. Í kjallara er 35 fm rými sem núverandi eigandi notaði sem vinnustofu. Á rýminu eru tveir gluggar.

Athugið að neðri hæð hússins er líka til sölu hjá Trausta fasteignasölu og Hallgrími Hólmsteinssyni lgfs. 

Hellulagt bílastæði við hlið hússins fylgir. Íbúðin er skráð 155,6 fm hjá HMS en fleiri fermetrar tilheyra eigninni, m.a. þar sem gólfflötur rishæðarinnar er undir súð á nokkrum stöðum.

Nánari upplýsingar veitir Hallgrímur Hólmsteinsson löggiltur fasteignasali í síma 8966020 eða með tölvupósti á hallgrimur@trausti.is. 

Nánari lýsing eignar:
Gengið er inn í anddyri og alrými borðstofu, stofu og eldhúss sem eru björt og rúmgóð með nýlegum gólffjölum. Stofurnar eru tvær, sú fremri er í dag nýtt sem vinnuaðstaða og bókastofa en sú innri sem stofa. 
Eldhús og borðstofa eru í einu rými sem er rúmgott og bjart, innréttingin er úr ljósum viði.  Frá eldhúsi er þvottahús og gestasalerni, flísar á gólfi.
Gengið er upp hvítan viðarstiga upp á rishæðina. Herbergin uppi á rishæðinni eru rúmgóð og björt. Í dag eru þrjú svefnherbergi en geta hæglega verið fjögur. 
Baðherbergi er með upphengt salerni, baðkari og sturtuklefa. 
Fataherbergi er á rishæðinni. 
Gólfefni á hluta risins eru upprunalegar viðarfjalir sem gefa íbúðinni mikinn sjarma.
Í kjallara er sameiginleg hjóla- og vagnageymsla ásamt 35 fm vinnustofu/geymslu sem tilheyrir íbúðinni. 
Lóðin sem fylgir húsinu er eignarlóð og er skráð 361 fm hjá HMS. Á lóðinni hefur verið komið fyrir hellulögðu bílastæði. 

Einfalt en heillegt gler er í flestum gluggum í íbúðinni.

Þessi eign er einstök og afar sjaldgæft að íbúðir við Norðurstíg komi í sölu sem hafa þennan mikla sjarma og sérstöðu. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða með tölvupósti á hallgrimur@trausti.is.