INNI fasteignasala sími 580 7905 kynnir í einkasölu: Lynghraun 5, Mývatni.
Einbýlishús með þremur svefnherbergjum, stofu, eldhúsi, baðherbergi, þvottahúsi, inntaksrými og þremur geymslum, þar af einni með sérinngang.
Skipta má húsinu í tvo hluta, þar sem vinstra megin við forstofu eru þvottahús, geymsla og önnur geymsla með sér inngangi annars vegar, og hægra megin hins vegar eldhús, stofa, gangur, þrjú svefnherbergi, baðherbergi, geymsla og inntaksrými.
Komið inn í forstofu með steyptu máluðu gólfi. Til vinstri er geymsluherbergi, og þvottahús málað með epoxy málningu. Til hægri úr forstofu er komið inn í íbúðahlutann. Fyrst er þar hol og til hægri er kyndiklefi/inntaksrými. Næst til hægri er dúklagt eldhús með borðkrók. Uppþvottavél mjó og innbyggð. Vifta er tekin út. Áfram inn úr holi er stofa (suðvestur horn), gluggar til suðurs og vesturs. Vel útlítandi parket á holi og stofu, hið sama og á gangi. Á vinstri hönd inn gang er búr, síðan svefnherbergi með tvöföldum fataskápi og glugga til suðurs. Baðherbergi til vinstri, vaskur í innréttingu, góður spegill, sturtuklefi frá 2025. Hjónaherbergi í suðausturhorni, parket á gólfi, fjórfaldur fataskápur (tvær breiðar rennihurðir). Í enda gangsins er gengið inn í lítið svefnherbergi með glugga til austurs.
Útigeymsla er með sérhurð og í þeim hluta sem er vinstra megin við forstofu þegar komið er inn. Góðar hillur og epoxy málning á gólfi.
Að utan er húsið klætt timbri. Hellulagt bílastæði og pallur með grillaðstöðu í garði, annars gróinn.
Nýlegar framkvæmdir: Árið 2025 var strompur fjarlægður og þak lagað (loftun bætt, skipt um timbur þar sem þurfti, skipt um járn). Þá var húsið málað og sett nýtt parket á herbergi og ný sturta. 5-7 ár síðan húsið var klætt að utan.