Miðvangur 37

VELKOMIÐ AÐ BÓKA Í EINKASKOÐUN Á EIGNINNI 
Elín Viðarsdóttir lgfs, elin@valholl.is, gsm. 695-8905 og Valhöll fasteignasala kynna í einkasölu Miðvang 37, 220 Hafnarfirði.
Einbýlishús á einni hæð með tvöföldum bílskúr (mögulegt íbúðarrými). Frábært fjölskylduhús og nýtingarmöguleikarnir margir.

Fallegt, vel skipulagt og vel viðhaldið steinsteypt 6-7 herbergja einbýlishús á einni hæð auk bílskúrs í rólegu og vinsælu hverfi  
***Leikskóli við hliðina og grunnskóli og verslunarmiðstöð í götunni***

- Eignin er skráð 248,9 fm á stærð sem skiptast þannig að íbúð er 177,3 fm., bílskúr 50,5 fm. og Íbúðarherbergi (sólstofa) 21,1 fm.
- Einbýlishús á einni hæð á 720 fm lóð.
- Bílskúr 50,5 fm - íbúðarmöguleiki (tilbúið að hluta)
- 6 -7 svefnherbergi / 1 baðherbergi og 2 gestasalerni
- 2019 Endurnýjað eldhús og fært
- 2022 Baðherbergið endurnýjað
- 2023 Hús múrað að utan og gert við múrskemmdir. Þak á bílskúr múrað og sílanborið. Ný bílskúrshurð.
- 2024 Hús og bílskúr málað. Þakkantur málaður að framanverðu og við innkeyrslu.
- Timburverandir framan við húsið, hellulögð stétt og sólskáli aftan við húsið - tengi fyrir heitan pott.
- Fasteignamat 2025 er 146.000.000.- en verður 162.450.000 f. árið 2026

Aðalinngangur hússins er á austurhlið þess að framanverðu. Að auki er annars vegar gengið inn í húsið af bílaplani á norðurhlið um gang af þvottahúsi og hins vegar um inngangur í gegnum sólstofuna. Komið er inní húsið af hellulagðri stétt, framan við húsið.
Húsið skiptist í: Forstofu, gestasalerni, forstofuherbergi, alrými stofu/borðstofu/eldhúss, gangur, 
Nánari lýsing:
Forstofa: Flísalögð með rúmgóðum nýlegum fataskápum (vantar gólefni við skápa).
Gestasalerni: Af forstofu, málaðar flísar á gólfi og veggjum. Upprunalegt salerni og vaskur. Opnanlegur gluggi.
Svefnherbergi 1 - Forstofuherbergi: Rúmgott, dúklagt.
Borðstofa/stofa/eldhús: Í sameigninlegu stóru rými. Opnast út í sólstofu.
Borðstofa/stofa: Er stór og skiptist í dag í mjög rúmgóða borðstofu og arinstofu/setustofu. Gluggar til norður, suðurs og  vesturs. Fallegur arinn er í stofu með Drápuhlíðargrjóti. Útgengimöguleiki á verönd til suðurs um rennihurð. Hurðin er til og fylgir með í kaupunum ef vill.
Eldhús: Var endurnýjað 2019 á skemmtilegan hátt og flutt úr lokuðu rými sem nú nýtist sem herbergi, í rými stofu og borðstofu (skv. teikningu sjónvarpsherb.).
Eldhúsinnréttingin er hvít/svört/gler á heilum vegg með stórri eyju með helluborði og hangandi viftu. Innrétting er um tvo 70x200 cm ísskápa er á einum vegg og að auki hefur verið útbúin "coffee station" innan rýmissins. Vönduð tæki; Uppþvottavél og ísskápar geta fylgt með í kaupunum. 
L-laga gangur: Af honum liggja í heild 4 svefnherbergi, baðherbergi, þvottahús og "geymsla" (6.herbergið). Þaðan er gengið út á bílaplanið.
Svefnherbergi 2 - Hjónaherbergi: Parketlagt. Með nýlegum (2022) skápum með rennihurðum á heilum vegg.
Svefnherbergi 3: Parketlagt. Rúmgott með lausum skáp.
Svefnherbergi 4: Parketlagt.
Svefnherbergi 5: Parketlagt. Rúmgott með lausum skáp.
Svefnherbergi 6 - geymsla/búr skv. teikningu: Parketlagt. Rúmgott með lausum skáp.
Baðherbergi: Endurnýjað 2022. Flísalagt á gólfi og veggjum. Hiti í gólfi. "Walk in" sturta, vaskinnrétting ásamt skápum með góðu skápaplássi og upphengdu salerni.
Þvottahús: Flísalagt með hvítri innréttingu fyrir þvottavél og þurrkara, í  hæð. Vinnuborð, vaskur og hillur. Opnanlegur gluggi. 
Bílskúr: Er 50,5 fm. Tvær nýlega (2023) endurnýjaðar innkeyrsluhurðir með rafmagnshurðaopnun. Epoxy gólf og gluggar til norðurs og suðurs úr lóð. Inngangshurð að aftan. Upphitaður með heitu og köldu vatni. Hluti hans er núna nýttur sem stúdeóíbúð með eldhúsaðstöðu, svefnherbergi og salerni. Hinn hlutinn er nýttur að hluta sem geymsla og bílskúr. Einn gluggi af þrem á norðurhlið þarfnast endurnýjunar - er til fyrir alla 3 og fylgja með í kaupunum. Bílskúrinn var til 2020 nýttur sem íbúð og er þar aðstaða fyrir þvottavél ofl. Möguleiki að breyta til fyrra horfs ef vill.
Geymsla: Er staðsett inn af bílskúr með gluggum.
Geymsla/Hitarými: Með sér hurð og er staðsett á norðurgafli hússins.

Lóðin: Er stór 720 fm snyrtileg og vel hirt. Að framanverðu er hellulögð stétt með 2 timburveröndum. Bílaplanið er malbikað og stórt 6 bíla bílastæði fyrir framan bílskúrinn. Útgengi er úr borðstofu í gegnum sólstofu um rennihurð út í hellulagða baklóð. Þaðan er einnig inngengt í bílskúrinn.

Samantekt: Hér er um að ræða einstaklega rúmgott, vel viðhaldið og vel skipulagt einbýlishús á einni hæð innarlega í botnlanga á besta stað í grónu hverfi í Hafnarfirði. 
Frábært fjölskyldueign í alla staði á fallegum stað þar sem örstutt er í öll skólastig, verslun, þjónustu og útvistarsvæði.

Allar nánari upplýsingar veitir  Elín Viðarsdóttir lgfs, elin@valholl.is, gsm. 695-8905

Húsið hefur fengið gott viðhald í gegnum árin; Samkvæmt seljendum hafa eftirtaldar framkvæmdir átt sér stað undanfarin ár:
2024: Hús og bílskúr málað að mestu. Þakkantur málaður að framanverðu og við innkeyrslu. Heitapottur í sólskála tekinn. Pallur settur. Leiðslur fyrir heitan pott enn til staðar.
2023: Bílskúrshurð endurnýjuð. Þak á bílskúr múrað og sílanborið. Hús múrað að utan og gert við mútskemmdir. 
2022: Baðherbergið endurnýjað. Útbúin "kaffi station" með innréttingu og rými 2021: Ísskápar settir inn í innréttinguna. 2x70x200. Nýjir skápar í hjónaherbergi.
2019: Eldhús fært í sjónvarpsherbergi (skv. teikningu). Lagnir settar í gólfið og tengt inn í þvottahús. Vatnslögn fyrir klakavél í ísskáp lögð. Fyrrum eldhús gert svefnherbergi. Lagnir fyrir eldhús enn til staðar. Forstofa stækkuð. Settir skápar. Eftir að setja nýtt gólfefni. Skipt um alla tengla og rafa. Veggur brotinn milli geymslu og búrs í "gamla" eldhúsi. Ruslatunnugeymsla brotin til að stækka geymslu. Gólf og útveggur einangrað og steypt/múrað.